Yohanes 13:18 - En Taar Weru a nunuwu' é Tontemboan

¹⁸ Sapa sé aicua-Ku anio' ra'ica andumoro' icamu im baya. Kailekan-Ku si séi si sinisir-Kuo. Taan sapa sé aipatic ang Kitap Le'nas musti mamuali, aicua in tana'i: “Si tou icuman i roti mewali-wali wo Yaku, sia mamuali oka kaséké'-Ku.”

Yohanes 13:18 Referans Kwoze

Matius 26:23

Wo icua i Yesus, “Si tou mewali-wali wo Yaku tumo'to' i roti am paelepan anio', siao en sumarakan oka Yaku.

Yohanes 17:12

Ang kauré-Ku imewali-wali wo iséra, tinéiran-Ku mai séra ang karapi ing kawasa-Mu si aiwéé-Mu a Yaku, wosama' ra'ica wana esaan tou ai séra e maté, aluar si esa si aitantuo imaté. Wo in taniitu sapa si aipatico ang Kitap Le'nas imalekepo.

Markus 14:20

Isowat i Yesus, “Si tou itu, esaan angé ai camu in sangapulu' rua anio'. Siao si tumo'to' i roti an esa paelepan wo Yaku.

Yohanes 13:26

Isowat i Yesus ai sia, “Si tou si wéan-Ku oka i roti si aito'to'-Ku am paelepan, isiao si tou itu.” Makaroma' mako, wo si Yesus mindo sangate'bi' roti, ito'to'-Na mio' am paelepan, wo iwéé-Na a si Yudas toyaang i Simon Iskariot.

Yohanes 6:70

Icua i Yesus, “Ra'ica réén Yakuo in esa en sumisir camu sangapulu' rua tou mamuali murit-Ku? Taan si esaan ai camu, sia itu makiit ing kasalé'an i kikiiten é sétang.”

Yohanes 15:19

Sa kamu kaputé éra ra'ica maéman a Yaku, tantu kamu icaupus éra tanu tou makiit iséra. Taan ampa'paan kamu sinisir-Kuo an uner éra, kamu ra'io meputé wo iséra sé ang kayo'baan, ampa'paan in ituo séra masuut icamu.

Ibrani 4:13

Ra'ica wana mandé esake' mahluk en icaenep am beren i Amang Kasuruan. Sapa-sapake' makawuka-wuka' wo kaséré-séréan an dior-Na, wo ai Siake' kita méé im panowaten asé im pakasa sé niéma'ta.

Yohanes 15:16

Ra'ica icamu en isumisir Yaku, taan Yakuo en isumisir icamu mamuali murit-Ku. Kamu winéan-Kuo tawoien, wosama' kamu mangé wo méé wua'na kumeli-keli sé ra'ica maka'pu. Anaé, sapake' em pangileken iow a si Amang-Ku a ngaran-Ku, en itu iwéé-Na oka ai camu.

Matius 10:36

Wo si kaséké' é tou, sé tou an untep im balé éra in esa.

Wahyu 2:23

Wo patén-Ku oka sé toyaangna. Wo in taniitu kailekan oka waya é jamaat sapaoka Yakuo si makailek im bewerot wo in até é tou, wo suliin-Ku oka kamu si esa wo si esa iciit im paémaan iow.

Yohanes 21:17

Wuéien ka'i i Yesus ing katelu a si Petrus, “Simon, toyaang i Yohanes, icaupusmu réén Aku?” Wo en até i Petrus mawendu, ampa'paan akar i makatelu si Yesus mamuéi ai sia, “Icaupusmu réén Aku?” Wo isowatna a si Yesus, “Tuang, em baya-waya kailekan-Mu, kailekan-Mu sapaoka aku mengaupus Ico.” Icua ka'i i Yesus a si Petrus, “Paliarano mio' sé domba-Ku.

2 Korintus 4:5

En Abar si pakua ami ra'ica andumoro' in owak ami in esa. En Abar itu andumoro' i Yesus Kristus si Apo' é pakasa in tou. Wo icami asaloke' imamuali tanu ata en sumelewir icamu kumiit ing kasalé'an i Yesus.

Matius 26:21

Ang karoro'an éra i makan, icua i Yesus, “En ulitna icua-Ku ai camu, awéan esaan ai camu en sumarakan oka Yaku.”

Markus 14:17

Mawengi mio', maio si Yesus mewali-wali wo sé sangapulu' rua murit-Na itu.

Markus 14:18

Ang karoro'an éra i makalukut makan am bitu, icua i Yesus, “En ulitna icua-Ku mangé ai camu, awéan esaan tou ai camu en sumarakan oka Yaku. Si tou itu lumukut kuman mewali-wali wo Yaku.”

Lukas 22:21

Taan, sérén! Si tou sumarakan Yaku sa, asi oras anio' mewali-wali wo icita a méja anio'.

Yohanes 13:21

Kekawus i Yesus icumua in taniitu, en até-Na masusa keli, wo icua-Na, “En ulitna icua-Ku mangé ai camu, awéan esaan angé tou ai camu en sumarakan oka Yaku a sé kaséké'-Ku.”

Yohanes 13:22

Wo sé murit-Na mentéintengan si esa wo sé walina, wo taré séra marua-rua wasa ampa'paan ra'ica kailekan éra si séi em peangé-angén i Yesus.

Yohanes 15:25

Taan en itu mamuali wosama' en taar si aipatic ang kitap Torat musti lekepen, en aipatic tana'i: ‘Séra ra'ica wana alasan e masuut Yaku.’

Yohanes 18:32

Aicua éra in taniitu wosama' lekepen en aicua i Yesus sa tumambisa Sia maté.

Yohanes 19:24

Ampa'paan in ituo séra mengkuanan a si esa wo sé walina, “Ra'ica toro pewéténgenta eng karai anio' mamuali piraan ngapokol, taan lébé loor taré lotréientao en tumantu si séi e makéré.” Wo in taniitu malekepo sapa sé aipatic ang Kitap Le'nas, “Winété-wéténg éra eng karai-Ku a si esa wo se walina, wo lotréien éra si séi e makéré in juba-Ku.” Siituo e niéma' é suraro itu.

Yohanes 19:36

En itu mamuali wosama' malekepo sapa sé aipatic ang Kitap Le'nas, “Ra'ica wana en du'i-Na sé lentuun oka.”

Kisah Para Rasul 1:2

akar asi endo Sia icaangkai angé an sorga. Ra'ipé' icaangkai angé si Yesus an sorga, Sia si pakakawasan i Roh Le'nas si mééo perénta sapa e musti émaan é ruru'du'an sé sinisir-Na.

Kisah Para Rasul 1:16

“Poo-poow! Sapa sé aipatic ang Kitap Le'nas in andumoro' i Yudas, musti mamuali. Indior, si Roh Le'nas maké si Daud eng kumua in andumoro' i Yudas, si makawali mai sé tou en tumangka' si Yesus.