Yohanes 11:53 - En Taar Weru a nunuwu' é Tontemboan

⁵³ Tumo'tol asi endo itu sé kikiiten é agama Yahudi meesa en até e maté si Yesus.

Yohanes 11:53 Referans Kwoze

Kisah Para Rasul 9:23

Lumangkoio im piraan ngando, sé tou Yahudi meroma' mawasa in léwo' e maté si Saulus.

Kisah Para Rasul 5:33

Kelinga in itu, sé anggota Mahkamah Agama mae'bow keli. Wo séra mawasa e maté sé ruru'du'an itu.

Yohanes 12:10

Wo sé kikiiten é imam mawasa-wasa e maté si Lazarus,

Yohanes 11:47

Ampa'paan in itu, sé kikiiten é imam wo sé tou Farisi tumowa sé Mahkamah Agama mali'us e mepaar, “Sapa réén e musti émaanta? Ampa'paan, si Tou itu méma'o ing keli kakaya'kaan.

Markus 14:1

Rua ngandopé' sé tou Yahudi méma' in endo wangko' Paska wo in endo wangko' Roti Ra'ica Rinagian. Sé kikiiten é imam wo sé makailek wutul in Torat maéré-éré lalan en tumangka' si Yesus ang karapi i maene-enep e maté Sia.

Markus 3:6

An tutuw ituke', sé tou Farisi kumesot am balé paapo'an. Séra makala'us mangé e mepaar wo sé tou makii-kiit si Herodes en tumambisa maté si Yesus.

Matius 26:59

Sé kikiiten é imam wo pakasa sé anggota Mahkamah Agama maéré-éré kasairian ra'ica wutul andumoro' i Yesus wosama' Sia makéré ukuman patén.

Matius 22:46

Pakasa é tou am bitu ra'ica wana mandé esake' e ro'na sumowat a si Yesus, wo tumo'tolai asi endo itu ra'io wana em brani e mamuéi a si Yesus.

Matius 16:21

Tumo'tolai asi témpo itu, ipengua-ngua i Yesus a sé murit-Na sapaoka Sia musti maangé an Yerusalem, wo mamuléng oka ing keli kawenduan asé matu-matu'a é tou Yahudi, sé kikiiten é imam, sé makailek wutul in Torat owo, wo patén éra taan a si endo katelu Sia tumou sumawel.

Matius 12:14

Wo sé tou Farisi itu kumesot am balé paapo'an, séra mepaar tumambisa e maté si Yesus.

Matius 26:4

Séra mepaar wo mawasa en tumangka' si Yesus ang karapi i maene-enep e maté Sia.

Yohanes 7:1

Kekawus in itu, si Yesus méma' im bawayaan-Na lumi'cir in sangkum ing Galilea. Ra'ica kiim-Na maangé an sangkum in Yudea ampa'paan sé kikiiten é agama Yahudi am bitu rumaméji maté Sia.