Yohanes 11:22 - En Taar Weru a nunuwu' é Tontemboan

²² Taan kailekankuo, asi oras anio'ke', sapa em pangileken-Mu a si Amang Kasuruan iwéé-Na oka mai.”

Yohanes 11:22 Referans Kwoze

Yohanes 9:31

Kailekanta sapaoka si Amang Kasuruan ra'ica luminga sé tou iméma' ing kamesé-meséaan, taan en lingan-Na si séike' mangé si uli-ulit mengasiri' Sia wo si mengaéma' ing kasalé'an-Na.

Markus 9:23

Isowat i Yesus, “Kéitu réén ko kumua sa Aku ro'na? Pakasa ro'na mamuali a sé tou maéman!”

Matius 28:18

Susuten i Yesus séra wo icua-Na “Tinerima-Kuo waya eng kawasa an sorga wo ang kayo'baan.

Yohanes 17:2

Ampa'paan si Amang mééo mai ing kawasa a Yaku e merénta waya sé tou, wosama' Aku ro'na méé ing katouan akar ing kauré-uré ai séra sé aisarakano i Amang a Yaku.

Yohanes 3:35

Si Amang mengaupus si Toyaang-Na wo aiwéé-Nao eng kawasa ai Sia e merénta am baya-waya.

Yohanes 11:23

Icua i Yesus a si Marta, “Si poowmu Lazarus tumou oka sumawel.”