Yohanes 11:11 - En Taar Weru a nunuwu' é Tontemboan

¹¹ Kumawus in itu icua-Na ai séra, “Si poowta Lazarus itu kinakili'an, taan mangé-Ku oka polon sia.”

Yohanes 11:11 Referans Kwoze

Yohanes 11:13

En ulitna si aicua i Yesus itu, si Lazarus imatéo. Taan paweroten é murit-Na, si aicua i Yesus itu, si Lazarus asalo icumili'.

1 Tesalonika 5:10

Sia imatéo torona icita wosama' sa Sia maai sumawel, mandé ka'i an oras itu kita imatéo kuma'pa kita menonoué', kita ro'na menonou mewali-wali wo Sia.

1 Korintus 15:51

Wéé mio' sumama-sama' an dékén! Awéan sé icaenepé' en aicuaku ai camu: ra'ica pakasa icita e maté, taan en owakta im baya mawalina.

Kisah Para Rasul 7:60

Sia kumundu wo maangko', “O Apo' Yesus, tioo ukumen séra ampa'paan i méma' ing kamesé-meséaan anio'!” Kekawusna kumua in taniitu, sia maté.

Matius 27:52

Eng kubu-kubur mawuka' wo kelian tou le'nas sé imatéo tinou sumawel.

Efesus 5:14

Ampa'paan in ituo awéan en aipatic in tana'i, “Éi camu sé makatekelé', tumooro, wo tumouo mai sumawel am papaté wo si Kristus tumélang oka mai camu.”

Markus 5:39

Keuntep i Yesus wo Sia mamuéi a sé tou itu, “Kéitu réén kamu rega keli wo mengamé-ngamé'? Si toyaang itu ra'ica imaté, sia asaloke' tumekel!”

Matius 9:24

wo icua-Na ai séra, “Kumesoto, ampa'paan si toyaang anio' ra'ica imaté, sia asaloke' tumekel.” Taan aicé'ké'ke' taré éra si Yesus.

Yakobus 2:23

Anaé, e niéma' i Abraham itu ilumekepo si aipatic ang Kitap Le'nas, “Abraham maéman a si Amang Kasuruan, ampa'paano in itu sia nianggap-Na wutul.” Wo sia patuulen, karapi i “Amang Kasuruan.”

1 Korintus 15:34

Anaé, mawutu-wutulo mangé mape'dis wo ra'io toro ka'i mengéma-ngéma' ing kamesé-meséaan. Ampa'paan an uner iow awéan sé ra'ipé' makatuus si Amang Kasuruan. Icuaku en anio' wosama' kamu malawi' wo mape'dis.

1 Korintus 15:18

Wo sa si Kristus ra'ica tinou sumawel, tantu sé tou maémano a si Kristus sé imatéo, ra'ica malowir.

Yohanes 11:3

Anaé, sé rua poowna wéwéné itu rumu'du' tou mangé kumua in abar a si Yesus tana'i, “Tuang, si Lazarus si caupus-Mu itu sumakit.”

Yohanes 3:29

Ang kinawéngan, si pengantén tuama makaanu si pengantén wéwéné. Wo si karapi i pengantén tuama si makatulung an duruna arui tutuw sia luminga in suarana. Taniitu ka'i mai wo yaku si Yohanes, intarépé' aku mendam in arui keli ampa'paan keli tou mai a si Yesus.

Yohanes 11:10

Taan sa si tou mawaya' wengi, eng kécéina icasu'su' ampa'paan ra'ica wana sendot an owakna.”

Yohanes 11:12

Wo icua é murit-Na ai Sia, “Tuang, sa si Lazarus wutul kinakili'an, sia masama' oka.”