Yohanes 11:1 - En Taar Weru a nunuwu' é Tontemboan

¹ Awéan esa tou makangaran Lazarus, sia sumakit. Sia maento' an doong Betania mewali-wali wo sé poo-poowna wéwéné si Maria wo si Marta.

Yohanes 11:1 Referans Kwoze

Yohanes 12:17

Kelian sé tou mewali-wali wo si Yesus an tutuw Sia tumowa si Lazarus kumesot ang kubur wo itumou sumawel sia an uner é tou imaté, ipengua-ngua éra a sé tou walina sapa e imamuali a si Lazarus.

Yohanes 12:9

Kelian ulit sé tou Yahudi luminga sa si Yesus am Betaniao, ampa'paan in ituo séra mangé am bitu en suméré si Yesus. Wo icasalé' éra ka'i suméré si Lazarus, si tinou sumawel i Yesus an uner é tou imaté.

Yohanes 11:11

Kumawus in itu icua-Na ai séra, “Si poowta Lazarus itu kinakili'an, taan mangé-Ku oka polon sia.”

Matius 21:17

Kumawus in itu, itela'u-Na séra. Sia kumesot in Yerusalem mangé an doong Betania wo Sia mento' sanga wengi am bitu.

Kisah Para Rasul 9:37

Asi témpo itu, sia sinakitan wo maté. Kekawus e mayatna linelé' wo iweta' éra ang kamar an dangka'.

Yohanes 11:3

Anaé, sé rua poowna wéwéné itu rumu'du' tou mangé kumua in abar a si Yesus tana'i, “Tuang, si Lazarus si caupus-Mu itu sumakit.”

Markus 11:1

An tutuw i Yesus wo sé murit-Na matawio in Yerusalem, si an diit in doong Betfage wo im Betania si an Tolaina in Zaitun, si Yesus rumu'du' sé rua murit-Na,

Yohanes 11:18

En doong Betania itu ra'- ica tayang wo en Yerusalem, eng katayangna wona' telu kilometer.

Yohanes 11:19

Anaé, keli sé tou Yahudi an Yerusalem owo mai a si Marta wo si Maria e mibor iséra in dua ampa'paan si Lazarus poow éra tuama imatéo.