Yohanes 1:30 - En Taar Weru a nunuwu' é Tontemboan

³⁰ Siao si sumangkumo aicuaku indior, sapaoka Sia si maai kekawus yaku, Siao en lébé iparangka' mai wo yaku ampa'paan ra'ipé' itumou aku, Sia awéanno.

Yohanes 1:30 Referans Kwoze

Yohanes 1:27

Siao si maai kekawus yaku, taan Sia en lébé parangka' mai wo yaku akar muka'ke' in tali in sapatu-Na yaku ra'ica patus.”

Yohanes 1:15

Asi makasa, si Yohanes Mabaptis méé ing kasairian andumoro' si pakua in Taar itu. Icuana ang karapi in taangko' tana'i, “Si anioo Sia si sumangkumo aicuaku ai camu! Indior aicuaku, ‘Awéan oka e maai kekawus yaku. Sia en lébé iparangka' mai wo yaku, ampa'paan ra'ipé' itumou aku Sia awéano.’ ”

Lukas 3:16

Wo icua i Yohanes ai séra, “Baptisenku kamu in dano, taan kekawus yaku maai oka si Tou eng kawasa-Na lumébé mai wo yaku, muka' in tali in sapatu-Na, yaku ra'ica patus. Baptisen-Na oka kamu i Roh Le'nas wo in api.

Matius 3:11

Baptisenku kamu ang karapi in dano, tanu tuus mape'diso ang kamesé-meséaan. Taan kekawus yaku, awéan si esa tou e maai, eng kawasa-Na lumébé mai wo yaku akar maalike' in sapatu-Na aku ra'ica patus. Baptisen-Na oka kamu ang karapi i Roh Le'nas wo in api.

Yohanes 1:31

Yaku in esa ka'i indior ra'ipé' makatuus Sia tanu Mesias. Taan yaku mai am bia'i e maptis sé tou Israel ang karapi in dano wosama' séra ro'na makatuus si séi Sia.”

Yohanes 10:41

Keli en tou sé mai a si Yesus wo séra mengkuanan, “Si Yohanes ra'ica iméma' ing kakaya'kaan, taan wutul waya sé aicua i Yohanes andumoro' i Yesus.”