Yohanes 1:29 - En Taar Weru a nunuwu' é Tontemboan

²⁹ Asi woondona mai sérén i Yohanes si Yesus mai ai sia wo icuana a sé tou, “Sérén, si anioo si Toyaang i Domba i Amang Kasuruan si mai misi ing kamesé-meséaan é tou ang kayo'baan.

Yohanes 1:29 Referans Kwoze

1 Yohanes 2:2

Sia imaté mamuali raragés wosama' pakasa eng kamesé-meséaanta ro'na ampungan-Na. Wo ra'ica ing kamesé-meséaantake' en ampungan, taan ka'i eng kamesé-meséaan é pakasa in tou ang kayo'baan anio'.

1 Yohanes 3:5

Kailekan iow sapaoka si Yesus imayo en tumu'bus ing kamesé-meséan, wo ai Sia ra'ica wana kamesé-meséaan.

1 Petrus 1:19

taan kamu tinu'buso in enda' i Kristus si sosor keli em bééna. Sia ayandé tanu si ana' i domba makaowak lumoo-loor si pinaté mamuali raragés a si Amang Kasuruan.

2 Korintus 5:21

Si Kristus ra'ica wana kamesé-meséaan, taan niéma' i Amang Kasuruan si Kristus e muléng ing kamesé-meséaanta, wosama' icita mamuali tou wutul an dior i Amang Kasuruan ampa'paan i Kristus.

1 Petrus 2:24

Sia in esa imuléngo ing kamesé-meséaanta an owak-Na, an tutuw-Na imaté ang kayu salip. Wo in taniitu kita icawekar asi kawasa ing kamesé-meséaan, wo menonou e méma' ing kasalé'an i Amang Kasuruan. Sé péla-péla'-Na ituo e iméma' icita masama'.

Ibrani 1:3

Asi Toyaang-Na ituo ro'na kaséréanta e rarayo wo in sisiri' i Amang Kasuruan, Siao em paséréan im peri wo ing kawasa i Amang Kasuruan in esa, Siao ka'i e makatéir im pakasa sé ang kayo'baan ang karapi in Taar-Na si wuta ing kawasa. Wo Siao ka'i e meresi ing kamesé-meséaan é tou, kekawus in itu Sia mangé an sorga wo lumukut ang kakan i Amang Kasuruan si Makakawasa, asi tampa irumangka-rangka'.

Wahyu 6:1

Wo kaséréanku si Toyaang i Domba muka' in ségél kataré asé pitu ségél. Wo kalingaanku esa asé epat mahluk itu maangko', tanuoka in erut maténgé. Icuana, “Mayoo!”

Wahyu 12:11

Wo sé poo-poowta an esa paémanen itu kumala sia ang karapi in enda' i Toyaang i Domba wo ampa'paan sé nunuwu' ing kasairian éra. Séra ra'io mengaupus in owak éra in esa mandé ka'i meta'up im papaté.

Galatia 3:13

Si Kristus itumu'buso icita asi kutuk in ukum Torat. Ampa'paan tutuw Sia aisalip, tinanggong-Nao eng kutuk itu sawel icita. Awéan en aipatic, “Si tou niukum im patén wo airantong ang kayu salip, sia itu kaputé i makéré in ukuman patén i Amang Kasuruan.”

Yohanes 1:36

An tutuwna suméré si Yesus lumangkoi, icuana, “Sérén, Siao si Toyaang i Domba i Amang Kasuruan!”

Wahyu 7:17

Ampa'paan si Toyaang i Domba si an uner im palukutan pasiri-siriin itu mamuali oka gembala éra, wo akinen-Na séra mangé asi palemboian in dano si mengawéé ing katouan. Wo pisin oka i Amang Kasuruan pakasa en dano im beren éra.”

Kisah Para Rasul 8:32

Sé nats binaca i kikiiten itu tana'i, “Sia paalin tanuoka maali si domba mangé pokolen. Sia ka'i asalo i makapenes ra'io rumoma' mai in sapa-sapa tanuoka si ana' i domba pakuntingan im buuk.

Wahyu 17:14

Séra merang oka en sumundur si Toyaang i Domba, taan si Toyaang i Domba ra'- ica kinakalaan éra, ampa'paan Sia Tuang am pakasa é tuang, wo Kolano am pakasa é kolano. Si Toyaang i Domba itu mewali-wali wo sé tou sé tinowao, sé sinisiro wo sé le'tek ai Sia, muntung oka.

Wahyu 15:3

Séra makantar ing kakantaren i Musa si ata i Amang Kasuruan wo kakantaren i Toyaang i Domba. Eng kakantaren itu tana'i, “O Amang Kasuruan Si Makakawasa, uli-ulit wangko' wo kakaya'kaan pakasa sé niéma'-Mu! O Kolano pakasa im bangsa. Pakasa sé niéma'-Mu uli-ulit ra'ica marapit wo wutul.

Wahyu 14:1

Kekawus ako in itu, kaséréanku si Toyaang i Domba makatulung an tolaina Sion wo awéan sangaatus epat ngapulu' epat ngariwu tou mewali-wali wo Sia. An tuintung é tou itu pinatican i ngaran i Toyaang i Domba wo ngaran i Amang-Na.

Wahyu 7:14

Wo sowatenku, “Tuang! Si tuang e makailek.” Wo icuana a yaku, “Séra ituo sé tou ilumangkoio mai ing kawenduan wangko'. Wo pakén éra en enda' i Toyaang i Domba eng kumemes in juba éra wo méma' akar i makulo'.

1 Petrus 3:18

Ampa'paan si Kristus imatéo wayake' imakasa en tumu'bus ing kamesé-meséaanta. Sia ra'ica wana kaséaan, taan Sia imaté torona icita sé mengéma-ngéma' ing kamesé-meséaan, wosama' kita ro'na ipakawali-Na mangé a si Amang Kasuruan. Sia pinaté an tutuw-Na imamuali Tou, taan Sia tinou sumawel i Roh Le'nas.

Wahyu 19:9

Wo icua i malaékat a yaku, “Ipatico mio' in tana'i: ‘Pakakamangen sé tou nienot am pésta kawéng i Toyaang i Domba.’ ” Wo icua ka'i i malaékat itu a yaku, “Si aicuaku anio' wutul, e nunuwuun anio' nunuwuun i Amang Kasuruan.”

Wahyu 14:10

elepenna oka en anggor i Amang Kasuruan, siituo en anggor kae'bowan-Na si aituas an untep in paelepan kae'bowan-Na. Wo sia okoien oka in api wo im balélang an dior é malaékat le'nas wo an dior i Toyaang i Domba.

Wahyu 13:8

Pakasa é tou sé menonou ang kayo'baan kumuru en sumiri' oka a si binatang itu. Sérao sé tou tumo'tolke' mai eng kayo'baan anio' niéma' e ngaran éra ra'ica aipatic ang kitap ing katouan i Toyaang i Domba si pinatéo.

Yohanes 3:16

Ampa'paan taloso wangko' eng kaupusan i Amang Kasuruan a sé tou ang kayo'baan anio' akar iwéé-Na mai si Toyaang-Na si Esa-esa, wosama' si séike' si maéman ai Sia ra'ica maté taan makéré ing katouan akar ing kauré-uré.

Wahyu 19:7

Mayo kita maaru-arui wo masalé-salé', wo rumayo wo sumiri' Sia! Ampa'paan eng kawéngan i Toyaang i Domba an endonao, wo si pengantén wéwéné ka'i tu'tulo.

Wahyu 14:4

Séra itu sé tou menonou le'nas, tanuoka sé tuama si ra'ipé' kawisa tumekel ang karapi é wéwéné ampa'paan séra miara ing kale'nasan. Sé tou itu uli-ulit makiit si Toyaang i Domba am bisa-wisake' en angéan-Na. Séra itu sé tinu'buso an uner é tou e mamuali raragés kataré a si Amang Kasuruan wo a si Toyaang i Domba.

Wahyu 5:8

An tutuw Sia mindo ing gulungan kitap itu, sé epat mahluk wo sé rua ngapulu' epat matu'a kumundu an dior i Toyaang i Domba itu. Sé mahluk wo sé matu'a itu makatimboi mekélé esa kecapi wo mekélé esa paelepan mas si wuta ing kamenyan. Siituo en sombayang é tou le'nas.

Wahyu 1:5

Wo en upus aitambér wo eng kaeluran itu ka'i mai asi Yesus Kristus owo. Siao en sairi le'tek, wo eng kataré-taré itumou sumawel an uner é tou imaté, wo ka'i e makakawasa a sé kolano asi cayo'baan anio'. Sia mengaupus icita, wo mekar ing kamesé-meséaanta ang karapi in enda'-Na.

Wahyu 21:9

Kekawus in itu, mai si esaan asé pitu malaékat si makatimboi im pitu paelepan si mawuta-wuta im pitu kawangkuran sosomoi. Icuana a yaku, “Mayoo am bia'i, ituru'ku oka ai co si pengantén wéwéné, penanaan i Toyaang i Domba.”

Wahyu 6:16

Wo icua éra a sé kuntung wo a sé watu itu, “Mapokalo mai wo tawunano mai kami wosama' kami caenep ai Sia si makalukut asi palukutan pasiri-siriin itu wo icaséip ang kae'bowan i Toyaang i Domba itu.

Titus 2:14

Aiwéé-Nao en owak-Na mamuali raragés en tumu'bus waya ing kaléwo-léwo'anta wo émaan-Na kita mamuali tou-Na le'nas wo re'dem mengaéma' in loor.

Wahyu 21:27

Taan sapake' mangé sé najis kuma'pa sé tou mengaéma' sé karican oka mai kuma'pa kotowo ra'ica toro muntep asi kota itu. Sé ro'na muntep asi kota itu, wayake' sé tou e ngaran éra aipatico an untep ing kitap katouan i Toyaang i Domba itu.

1 Yohanes 4:10

Si anioo en upus itu: Ra'ica icita si ririor imaupus si Amang Kasuruan, taan Siao si ririor mengaupus icita. Ampa'paan ituo ayutus-Na mai si Toyaang-Na wosama' eng kamesé-meséaanta kaampungan ampa'paan i Toyaang-Na itu.

1 Timotius 2:6

Sia isumarakano in owak-Na en tumu'bus im pakasa ing kamesé-meséaan é tou. Siituo eng kasairian i Amang Kasuruan si mamuali tuus asi oras si aitantu-Nao.

1 Korintus 15:3

Aicuakuo ai camu en abar si kumataré-taré, abar sé tinerimaku in esa, sapaoka si Kristus matéo wosama' eng kamesé-meséaanta tu'busen-Na, tanu si aipatic ang Kitap Le'nas.

Matius 20:28

En itu meputé wo si niéma' i Toyaang i Tou. Sia maai ang kayo'baan anio' ra'ica maai selewiran é tou taan en sumelewir sé tou wo méé in owak-Na in esa en tumu'bus ing kamesé-meséaan é tou keli.”

Wahyu 5:6

Wo sérénku awéan esa Toyaang i Domba tanu sumangkumo pinaté, makatulung an uner im palukutan pasiri-siriin wo sé epat mahluk wo an uner é matu'a itu. Sia makaanu pitu sungé wo pitu weren. Sé pitu weren ituo sé pitu Roh i Amang Kasuruan sé ayutus am pakasa ing kayo'baan.

Ibrani 9:28

Taniituo ka'i si Kristus, si makaesake' imaté mamuali iparagés en tumu'bus ing kamesé-meséaan é tou. Kekawus in itu Sia maai karua, ra'io en tumu'bus ing kamesé-meséaan é tou keli, taan e méé ing kalowiran a sé tou sé maento-ento' Sia.

Galatia 1:4

Kumiit ing kasalé'an i Amang Kasuruan Amangta, si Yesus si sumarakano in owak-Na en tumu'bus ing kamesé-meséaanta wosama' kita icawekar asi kaléwo'an si awéan ang kayo'baan intarépé'.

Kisah Para Rasul 13:39

Anaé, si séi si maéman a si Yesus, nianggap wutul i Amang Kasuruan.

Matius 1:21

Sia makéré oka esa toyaang tuama wo ngarananmu si toyaang itu ‘Yesus’, ampa'paan Sia oka en lumowir sé tou-Na ang kamesé-meséaan éra.”

Wahyu 21:14

Wo e ri'dir ing kota itu winangun am bawo é sangapulu' rua watu pandasi. Wo asé watu pandasi itu pinatican i ngara-ngaran é sangapulu' rua ruru'du'an i Toyaang i Domba.

Ibrani 2:17

Ampa'paano in itu am baya-waya si Yesus musti mamuali kaputé é poo-poow-Na. Wo in taniitu, Sia ro'na mamuali Imam Wangko' si mengaturu' ing kaupusan a sé tou wo Sia le'tek mengaselewir a si Amang Kasuruan. Ang karapi im pakaselewir-Na tanu Imam Wangko', eng kamesé-meséaan é tou ro'na kaampungan.

Yohanes 1:35

Asi woondona mai si Yohanes makatulung ka'i an tampa itu ang karapi é rua muritna.

Yohanes 1:43

Asi woondona mai si Yesus musé' e maangé an sangkum ing Galilea. Taan Sia mangé meta'up owo wo si Filipus, icua-Na ai sia, “Mayo kumiito mai Yaku.”

Yohanes 2:1

Asi endo katelu awéan pésta kawéng ang Kana an sangkum ing Galilea. Wo si inang i Yesus mai am bitu.

Yohanes 4:42

Icua éra a si wéwéné itu, “Percayaan ami si Yesus ra'icake' ampa'paan sé aicuamu asi kaawii makasa, taan ampa'paan intarépé' icami in esa lumingao Sia. Kailekan amio sa Sia itu wutu-wutul Lumolowir é tou.”

Yohanes 6:51

Yakuo eng kakanen si mawéé ing katouan si tumumpao mai an sorga owo. Sa si tou kuman ing kakanen anio', sia menonou oka akar ing kauré-uré. Eng kakanen si wéé-Ku itu, siituo en owak-Ku si iwéé-Ku oka a sé tou ang kayo'baan wosama' séra ro'na menonou akar ing kauré-uré.”