Yakobus 5:4 - En Taar Weru a nunuwu' é Tontemboan

⁴ Ra'ica winéran iow sé tou matawoi maupu' an uma miow. Séra mapatawa-tawango wo em pinangimbulu éra itu kinalingaano i Casuruan si Makakawasa.

Yakobus 5:4 Referans Kwoze

Roma 9:29

Wo si nabi Yesaya icumua ka'i andumoro' é tou Israel, “Sa si Amang Kasuruan si Makakawasa ra'ica tumela'u piraan tou asé taranakta, tantu icita im baya makaka'pu-ka'pu pinaté tanu sé tou ang kota Sodom wo eng Gomora.”

Lukas 18:7

Sa si akim si marapitke' itu ro'na méla im perkara i wéwéné balu itu, wopé'taré si Amang Kasuruan, tantu tawangen-Na oka sé tou sinisir-Nao in esa sé meki-kiupus ai Sia endo wo em bengi. Wo makala'us tawangen-Na wo ra'ica ipauré-uré.

Kolose 4:1

Éi tuang-tuang, mengaéma'o mangé sé wutul a sé ata miow wo wééo mio' waya sapa e mamuali hakna. Weroteno mangé sapaoka kamu ka'i awéan Tuang an sorga.

Matius 9:37

Wo icua-Na a sé murit-Na, “Sé tou anio' tanuoka wua'na in tinanem an uma an témponao in upuun. Taan sé tou maupu' wayake' im pira.