Yakobus 5:2 - En Taar Weru a nunuwu' é Tontemboan

² Eng kasiyaan iow imawuruko, wo eng karai iow linolondio waya.

Yakobus 5:2 Referans Kwoze

Lukas 12:33

Iwangkéro mio' eng kasiyaanmu wo en doit itu iwééo mio' a sé tou lengéi! Sa émaan iow tanu siitu, meputéo kamu méma'o im paumungan ing kasiyaan si ra'- ica maléwo' wo awéan akar ing kauré-uré. Siituo eng kasiyaan si ayéma' miow an sorga, si ra'ica rombiten é tou wo ka'i ra'ica léwoon é lolondi.

1 Petrus 1:4

Kita maarap makéré oka bagéan si aitu'tulo i Amang Kasuruan a sé tou-Na. Em bagéan ituo sé kamang ipakaéma' i Amang Kasuruan a mangé en sorga. Wo sé kamang itu ra'ica mengaléwo', ra'ica mengawuruk wo ra'ica mawalina.

Yakobus 2:2

En andéanna, awéan si tou siya' mai am paapo'an iow, sia makasondol in cincin mas wo mekarai loor sosor ulit em bééna. Wo muntep ka'i mai si tou lengéi am bitu sia mekarai ra'ica loor.