Yakobus 4:5 - En Taar Weru a nunuwu' é Tontemboan

⁵ Tioo kamu mawerot sapaoka ra'ica wana alasan si aipatic ang Kitap Le'nas tana'i, “E Roh si aiwéé i Amang Kasuruan ai cita, e Roh itu manganat sa kita ra'- ica le'tek a si Casuruan.”

Yakobus 4:5 Referans Kwoze

2 Korintus 6:16

Awéan réén em puténa walé i Amang Kasuruan wo im paapo'an é opo-opo'? Kita anio' walé paento'an i Amang Kasuruan si menonou. Si Amang Kasuruan in esa icumua: “Mento' oka Aku an uner éra wo menonou mewali-wali wo iséra. Yaku mamuali oka Amang Kasuruan éra, wo séra mamuali oka tou-Ku.”

1 Korintus 6:19

Musti kailekan iow sapaoka en owak iow itu paento'an i Roh Le'nas. E Roh Le'nas itu aiwéé i Amang Kasuruan mento' ai camu. En owak iow ra'ica anu miow in esa taan anu i Amang Kasuruan.

Titus 3:3

Kailekanmu é Titus, indior kita ra'ipé' makailek sapa-sapa. Ampa'paan in itu kita ra'ica le'tek a si Amang Kasuruan, icasélé'kow wo kinatawéranke' mengaéma' in léwo', kita mamuali ata ing kasalé'an ing kayo'baan si asalo maarui in owak in esa, kita menonou mengéma-ngéma'ke' in léwo', kokanat a sé tou walina, bengis, mengkasuutan asi esa wo sé walina.

Galatia 3:8

Ang Kitap Le'nas, ro'na kakailekanta sapaoka tumo'tolke' mai indior aitantuo i Amang Kasuruan sé tou ra'ica Yahudi anggapen-Na oka wutul an dior-Na sa séra maéman a si Kristus. En Abar Kaaruien itu aicuao i Amang Kasuruan indior a si Abraham an janji anio', “Pakasa im bangsa ang kayo'baan kamangen oka, ampa'paan ico.”

Kisah Para Rasul 7:9

Wo sé kaka' tuama i Yusuf sé apo-apo'ta anio', manganat ai sia. Ampa'paano in itu, iwangkér éra sia an tana' Mesir. Taan si Amang Kasuruan mewali-wali wo isia,

Yohanes 10:35

Kailekan iow eng Kitap Le'nas pengapakén akar ing kauré-uré. Anaé, sa sé tou tumerima in taar i Amang Kasuruan patuulen ‘sé kasuruan,’

Roma 1:29

En até éra wuta ing kabengisan wo wuta ing kaléwo'an. Séra wuta ing kalongi'an wo ing kawurukan, wuta im panganaten, masalé' mengapaté tou, masalé' meindo-indoan roma', tampenguwak wo ra'ica makiit ing kasalé'an i Amang Kasuruan.

Roma 9:17

Ampa'paan ang Kitap Le'nas aipatic in andumoro' sé aicua i Amang Kasuruan a si Firaun kolano i Mesir, tana'i, “Angkaien-Ku ko mamuali kolano, wosama' ituru'-Ku eng kawasa-Ku ai co, wosama' ka'i e ngaran-Ku katuusan waya é tou ang kayo'baan.”

Yohanes 19:37

Wo awéan ka'i e nats aipatic ang Kitap Le'nas, “Téintengen éra oka Sia si tinopoko éra.”

Yohanes 7:42

Ra'ica réén ang Kitap Le'nas aipatic, si Mesias itu taranak i Daud wo imai asi roong Betlehem paento'an i Daud owo?”