Yakobus 2:7 - En Taar Weru a nunuwu' é Tontemboan

⁷ Séra itu ka'i maojat i Ngaran i parayo-rayo wo pasiri-siriin, taan asi Ngaran ituo, kamu imamuali anu i Amang Kasuruan.

Yakobus 2:7 Referans Kwoze

1 Timotius 1:13

Indior aku maojat si Apo' Yesus. Paokoienku wo paséro'ku ka'i sé tou maéman ai Sia. Mandé in taniitu, aituru'-Na eng kaupusan-Na a yaku ampa'paan aku ra'ipé' maéman ai Sia si Toyaang i Amang Kasuruan wo ra'ica kailekanku sapa e niéma'ku.

Kisah Para Rasul 11:26

Wo sia meta'up wo si Saulus, kumawus in itu iwalina si Saulus an Antiokhia. Séra in dua mento' mewali-wali wo sé jamaat a mangé mbitu sangata'un eng kauréna. Séra ka'i mengasusui a sé tou keli andumoro' i Yesus. An Antiokhia anioo sé tou makiit in sususuien i Yesus kumataré-taré patuulen Krésten.

Wahyu 19:16

An juba-Na wo am parangkéi-Na pinatican esa ngaran tana'i, “Kolano im pakasa é kolano wo Kasuruan im pakasa é kasuruan.”

Wahyu 19:13

Sia makapaké in juba si airames an enda'. Wo e ngaran-Na “Taar i Amang Kasuruan”.

Efesus 3:15

si mamuali Amangta im baya sé ang kayo'baan wo ka'i pakasa sé an sorga. Niéma'-Na kita im baya mamuali esa pamalé.

Kisah Para Rasul 26:11

Yaku ka'i muntep am balé-walé paapo'an é agama Yahudi wo pengaokoienku sé tou makiit si Yesus wo leséénku séra en sumangkal im paémanen éra. Ampa'paano aku mae'bow keli wo keli paangitenku séra akar ang kota-kota walina.”

Kisah Para Rasul 4:12

Si Yesuske' e ro'na lumowir sé tou. Ampa'paan ra'ica wana ngaran walina ang kayo'baan anio' e ro'na lumowir sé tou.”

Matius 12:24

Taan tutuw é tou Farisi luminga in itu, icua éra, “Sia mausér sé sétang mapaké ing kawasa i Beelzebul, si kikiiten é sétang.”

Matius 1:23

“En ulitna, si esa mangala'un maowa-owak oka wo itouna oka mai esa toyaang tuama wo ngaranan éra Sia Imanuel.” (En kaangéanna, Si Amang Kasuruan mewali-wali wo icita.)

Matius 27:63

icua éra, “Tuang gubernur, kinata'néian amio, an tutuw si mengasélé'kow itu menonou, sumangkumo icua-Na in tana'i, ‘Kekawus in telu ngando Aku imaté, Yaku tumou oka sumawel.’

Kisah Para Rasul 15:17

Émaan-Ku taniitu wosama' pakasa en tou walina mangéré Yaku, icauntep sé tou raica Yahudi sé sinisir-Ku e mamuali tou-Ku. Taniituo en aicua i Amang Kasuruan,

1 Petrus 4:16

Taan sa kamu okoien ampa'paan tou Krésten, kamu ra'ica toro malawi'. Aweso taré kamu rumayo wo sumiri' si Amang Kasuruan ampa'paan kamu patuulen makiit si Kristus.