Yakobus 1:9 - En Taar Weru a nunuwu' é Tontemboan

⁹ Si poow lengéi esa paémanen a si Yesus, sia itu musti tumirayo sa sia irangka' i Casuruan.

Yakobus 1:9 Referans Kwoze

2 Korintus 6:10

Mandé en até ami wendu, taan kami mengaru-ngarui. Kami kaséréan lengéi, taan keliano sé tou niéma' ami imasiya'. Kami anio' kaséréan ra'ica makaanu in sapa-sapa, taan en ulitna kami makaanuo im baya-waya.

Wahyu 2:9

Kailekan-Ku eng kasusaan iow wo eng kalengéian iow, taan am beren i Casuruan kamu siya'. Kailekan-Ku ka'i e ngaran iow pengawuruken é tou sé mangaku séra tou Yahudi. Taan en ulitna séra ra'ica tou i Amang Kasuruan taan séra itu jamaat i kikiiten é sétang.

Lukas 1:52

Émaan-Na sé tou makatimboi ing kawasa ra'io ka'i makakawasa, wo sé tou wawa' irangka'-Na oka.

Filipi 3:14

Wo aku menéro-néron akar in angéan ing ka'karan e makéré in laasa an sorga. Torona in ituo si Amang Kasuruan itumowao icita sé meesao wo si Kristus Yesus.

Filipi 3:3

Taan icitao sé tou wutu-wutul sinunat, ra'ica iséra. Ampa'paan icitao sé tou mengaapo' a si Amang Kasuruan si pakaakinen i Roh-Na, wo mengatirayo ampa'paan meesa wo si Kristus Yesus, wo ra'ica mengamangén a si sapa sé kaséréan tanumai atoran in sunat.

Roma 8:17

Wo sa kita toya-toyaang i Amang Kasuruan, kita awéan hak e makéré im bagéan asé im pakasa sé aitu'tulo i Amang Kasuruan torona é toyaang-Na. Wo terimanta oka en itu mewali-wali wo si Kristus. Wo sa kita mawendu meputé in sinangkumai i Kristus, kita ka'i tumerima oka i rarayo wo in sisiri' kaputé i Kristus.

Lukas 10:20

Mandé in taniitu, kamu tioo masalé-salé' ampa'paan kinalao miow sé sétang, aweso taré kamu maaru-aruio ampa'paan e ngaran iow aipatico an sorga.”

Lukas 9:48

Icua-Na a sé murit-Na, “Si séi en sumungkul si toyaang teké' anio' ang karapi in arui en até ampa'paan makiit Yaku, sia sumungkulo Yaku. Wo si tou isumungkul Yaku, sia isumungkulo si Amang Kasuruan si imutus Yaku. Anaé, si séi si mawerot in owakna tou wawa', siao itu si tou iparangka-rangka'.”

1 Petrus 2:9

Taan kamu anio' bangsa sé sinisiro i Amang Kasuruan, imam sé maselewir a si Amang Kasuruan si Colanota, bangsa sé line'nas-Nao wo ka'i mamuali anu-Na. Kamu im baya imamuali tanu siitu wosama' ro'na ipakua-kua miow a sé tou andumoro' sé kakaya'kaan sé niéma'o i Amang Kasuruan. Siao en tumowa icamu kumesot ang kariréimbengan wo muntep asi sendot-Na wangko'.

Lukas 14:11

Ampa'paan, si séike' mengarangka' in owak, sia iwawa' oka wo si séike' e mengawawa' in owakna, sia iparangka-rangka' oka.”