Yakobus 1:5 - En Taar Weru a nunuwu' é Tontemboan

⁵ Sa awéan esaan ai camu mendam wayapé' im pira eng kapinteran asi Amang Kasuruan owo, aweso taré sia mangilek angé a si Amang Kasuruan. Wo énan-Na oka mai em pinangilek itu. Ampa'paan si Amang Kasuruan mengawéé a sé im pakasa in tou ang karapi ing kasamaan in até, ra'ica mengaimbo'.

Yakobus 1:5 Referans Kwoze

Yohanes 15:7

Sa kamu menonou meesa wo Yaku wo en taar-Ku an untepo in até miow, mangileko mangé sapake' en icasalé' miow, wo teriman oka miow sé pinangilek iow.

Yakobus 3:17

Taan si tou awéan kapinteran asi Amang Kasuruan owo itu, tana'i: Kataré sia menonou ang karapi in até weresi wo masalé' meelu-eluran wo sé tou, sama' a sé tou, téés, wuta ing kaupusan a sé tou wo mengéma-ngéma' andumoro' sé loor, ra'ica marapit wo ra'ica punek.

Yohanes 14:13

Wo sapake' em pangileken iow a ngaran-Ku, émaan-Ku oka en itu wo si Amang-Ku ro'na iparayo-rayo wo pasiri-siriin ampa'paan Aku Toyaang-Na.

1 Yohanes 3:22

Wo sapake' em pangilekenta ai Sia, kéréanta oka, ampa'paan paémaanta waya em perénta-Na wo ka'i maéma' sapa si mengaarui in até-Na.

Yakobus 5:16

Ampa'paan in ituo, mangakuo mangé ing kamesé-meséaan asi esa wo si esa wo menson-sombayangano mangé wosama' kamu masama'. En sombayang é tou mengaéma' im butul uli-ulit wangko' eng kawasana.

Yohanes 4:10

Isowat i Yesus ai sia, “Sa raké' woo kailekan i inang sapa si casalé' iwéé i Amang Kasuruan wo makailek si séi réén Aku si mangilek woo elepen, tantu si inang mangilek oka a Yaku, wo iwéé-Ku oka a si inang en dano si mawéé ing katouan.”

Yakobus 1:17

Pakasa sé loor wo lekep, mai an dangka' owo, asi Amang an sorga. Siao e méma' waya sé mengasendot an langit. Sia ra'ica kawisa mawalina, ra'ica tanu in serap wo sé sumesendot, en sendotna ro'na mawalina.

Matius 11:20

Wo tumo'tolo si Yesus tumegor in depet sé tou ang kota-kota sé ra'ica mape'dis, mandé ka'i am bitu Sia makakeli-keli maéma' ing kakaya'kaan.

2 Korintus 2:16

Sa tou sé ra'ica tumerima in Abar Kaaruien andumoro' i Yesus Kristus wo maangé am papaté, icami anio' tanuoka wou im buruk. Taan sa tou sé tumerima in Abar Kaaruien itu wo lowiren, kami tanuoka im bou manam si makawali ing katouan. Anaé, si séi e ro'na méma' in tawoien anio'?

Markus 16:14

Ang kasiwakanna, si Yesus mapaturu' in owak-Na a sé sangapulu' esa murit-Na. An tutuw itu séra ang karoro'an i makan. Wo romaan-Na séra ampa'paan ing kaketéan in até éra wo ra'ica mercaya a sé tou sé isuméréo Sia itumou sumawel.