Wahyu 9:11 - En Taar Weru a nunuwu' é Tontemboan

¹¹ Wo séra awéan kolano si maperénta, siao si malaékat mengatéir ing kepal im papaté. E ngaran i colano itu “Abadon” a nunuwu' é Ibrani, wo “Apolion” a nunuwu' é Yunani.

Wahyu 9:11 Referans Kwoze

Efesus 2:2

An tutuw itu kamu mengakiité' ing kanaramen ing kayo'baan anio', wo mengakiit si kikiiten é sétang si cumawasa an langit. Siao e roh si matawoi intarépé' an untep in até é tou sé ra'ica le'tek a si Amang Kasuruan.

2 Korintus 4:4

Sé tou ra'ica mapercaya, em pakawerot éra winolao i opo' léwo' si makakawasa ing kayo'baan anio', akar séra ra'io mailek in sendot in Abar Kaaruien itu. Anaé, séra ra'ica makailek tambisa eng kawangko' i rarayo wo in sisiri' i Kristus, si meputé ulit wo si Amang Kasuruan.

Yohanes 16:11

Katelu, ituru'-Na oka a sé tou sapaoka sé tou mengaéma' ing kamesé-meséaan tantu ukumen, ampa'paan si kikiiten é sétang si cumawasa ing kayo'baan anio' aitantuo in ukumen.

Yohanes 14:30

Intarépé' Aku ra'io kumeli roma' ai icamu, ampa'paan si kikiiten é sétang si kumawasa ing kayo'baan anio' ang karoro'ano i maai. Taan sia ra'ica wana kawasa sapake' mangé a Yaku.

Yohanes 8:44

Si kikiiten é sétango si amang iow, wo icasalé' miow mengaéma' sapa si casalé' i amang iow. Tumo'tolai indior akar intarépé' sia mapaté sé tou, wo ra'ica kiimna mengaéma' in sususuien wutul, ampa'paan en sususuien wutul ra'ica an aténa. Casalé'na mengatowo ampa'paan in ituo em peri aselina. Sia kotowo wo palemboian waya in towo.

1 Yohanes 5:19

Kailekanta sa kita anio' asi Amang Kasuruan owo, wo pakasa sé ang kayo'baan anio' pakakawasaan i kikiiten é sétang.

1 Yohanes 4:4

Toya-toyaangku, kamu itu asi Amang Kasuruan owo. Kamu icumalao sé nabi ra'ica wutul itu, ampa'paan e Roh ai camu itu eng kawasana en lébé wangko' mai wo si roh asi cayo'baan anio'.

Yohanes 12:31

Intarépé' an témponao si Amang Kasuruan makim sé tou ang kayo'baan anio', wo si kikiiten é sétang si makakawasa ang kayo'baan anio' iténdél oka ang kesot.

Wahyu 12:9

Si naga wangker ituo si ula' matu'a, si patuulen kikiiten é sétang kuma'pa Roh léwo', si mengasélé'kow pakasa in tou ang kayo'baan. Sia itu aiténdél ang kayo'baan mewali-wali wo sé malaékatna.

Lukas 8:31

Kumawus in itu sé sétang itu mekiupus a si Yesus wosama' ra'ica yusér-Na séra mangé muntep ang kepal im papaté.

Yohanes 5:2

An Yerusalem awéan esa kolam a nunuwu' é Ibrani patuulen ‘Betesda’. Eng kolam itu an diit im papalen wangko' ang kota si ningaranan ‘Papalen Domba’. An li'cir ing kolam itu awéan lima lésar sé niatepan.

Wahyu 16:16

Wo li'usen é telu roh léwo' itu sé kolano an esa tampa, en tampa itu a nunuwu' é Ibrani patuulen Harmagedon.