Wahyu 7:16 - En Taar Weru a nunuwu' é Tontemboan

¹⁶ Séra ra'io ka'i maarem kuma'pa maré'om. Wo ka'i eng kapaso'na i yéndo ra'io tumena iséra.

Wahyu 7:16 Referans Kwoze

Yohanes 4:14

Taan si séike' e melep in dano si aiwéé-Ku, sia ra'io ka'i maré'om akar ing kauré-uré, ampa'paan en dano si iwéé-Ku itu mamuali oka palemboian in dano an owakna. En dano itu melembo-lemboi an owakna akar sia menonou akar ing kauré-uré.”

Wahyu 21:4

Wo pisin-Na oka waya en dano im beren éra, wo ra'io wana ka'i em papaté. Ra'io wana ka'i e mala'lu kuma'pa e maamé' kuma'pa eng kawenduan, ampa'paan am baya-waya sé uré itu lumangkoio.”

Matius 5:6

Pakakamangen sé tou maarem wo maré'om ing kasalé'an i Amang Kasuruan, ampa'paan séra aruien oka.

Lukas 6:21

Pakakamangen kamu sé intarépé' maarem, ampa'paan émaan oka i Amang Kasuruan kamu mawesu. Pakakamangen kamu sé intarépé' maamé', ampa'paan émaan oka i Amang Kasuruan kamu kumé'ké'.

Lukas 1:53

Iwéé-Na ka'i a sé tou lengéi pakasa sé loor akar séra mendam in arui, wo sé tou siya' yusér-Na, ra'ica imaali in sapa-sapa.

Matius 13:6

Taan an tutuw mantango mai si yéndo, sé tinanem itu maweles wo mapera ampa'paan ra'ica imaa'mut sama'.

Yakobus 1:11

Sa si yéndo mantango mai wo em paso' in télangna makatena-tena in dukut, en dukut itu maweles. Ampa'paan in itu em bungangna rumongkor wo maka'pu eng kapasungna. Tanu siituo ka'i sé tou siya', an tutuw éra rumaméji menawo-nawoi masuun in doit keli, séra in esa maté oka.

Markus 4:17

taan en Taar itu ra'ica maa'mut sama' wo ra'ica itumang uré an até éra. Sa séra tenan ing kasusaan kuma'pa in okoi ampa'paan maéman in Taar itu, séra makala'us tumela'u si Amang Kasuruan.

Markus 4:6

Taan an tutuw mantango mai si yéndo, en tinanem itu maweles wo mapera ampa'paan ra'ica maa'mut sama'.

Matius 13:21

Taan en itu ra'ica imaa'mut sama' wo ra'ica itumang uré. Sa séra meta'up ing kasusaan kuma'pa in okoi ampa'paan in taar itu, séra makala'us tumela'u im paémanen itu.