Wahyu 7:10 - En Taar Weru a nunuwu' é Tontemboan

¹⁰ Ang karapi in taangko' icua éra, “Eng kalowiran itu asi Amang Kasuruan ami owo si makalukut am palukutan pasiri-siriin wo asi Toyaang i Domba.”

Wahyu 7:10 Referans Kwoze

Wahyu 19:1

Kekawus in itu, palinganku tanu awéan suara é tou keli merega-rega an sorga. Séra makua in tana'i, “Irayoo si Amang Kasuruan! Si Amang Kasuruanta, Siao si Casuruan si lumowir, Sia ka'i Kasuruan si parayo-rayo wo pasiri-siriin wo makakawasa.

Wahyu 12:10

Wo kalingaanku en suara taangko' keli an sorga owo makua in tana'i, “Intarépé' imayo eng kalowiran asi Amang Kasuruan wo Sia tumuru' ing kawasa-Na wo merénta tanu Kolanota. Wo ka'i en témpona i Kristus si sinisir-Na tumuru' ing kakawasaan-Na. Ampa'paan si kikiiten é sétang aiténdélo ang kayo'baan, sia itu si menudu-nudu sé poo-poowta an esa paémanen endo wo em bengi an dior i Amang Kasuruan.

Wahyu 22:3

Wo pakasa sé an untep ing kota itu ra'io wana eng kutuken. Em palukutan pasiri-siriin i Amang Kasuruan wo palukutan pasiri-siriin i Toyaang i Domba awéan oka an untepna, wo sé ata-Na maapo' oka ai Sia.

Efesus 2:8

Ampa'paan kamu linowir in upus aitambér i Amang Kasuruan an tutuw iow maéman. Eng kalowiran itu asalo aitambér i Amang Kasuruan, ra'ica wuéna im pakasa sé loor sé pinengaéma' miow.

Yohanes 1:29

Asi woondona mai sérén i Yohanes si Yesus mai ai sia wo icuana a sé tou, “Sérén, si anioo si Toyaang i Domba i Amang Kasuruan si mai misi ing kamesé-meséaan é tou ang kayo'baan.

Wahyu 21:5

Wo Sia si makalukut am palukutan pasiri-siriin itu kumua, “Séréno, Yaku ang karoro'an imaéma' im baya-waya maweru!” Wo icua-Na ka'i, “Ipatico mio' waya en itu, ampa'paan sé nunuwuun anio' ro'na percayan wo wutul.”

Lukas 3:6

Wo pakasa en tou ang kayo'baan suméré oka tambisa si Amang Kasuruan lumowir sé tou.’ ”

Wahyu 5:7

Wo mai si Toyaang i Domba itu wo tumerima ing gulungan kitap itu ang kama kakan ai Sia owo si makalukut am palukutan pasiri-siriin itu.

Wahyu 4:6

An dior im palukutan pasiri-siriin itu awéan ta'sic kaca eng kaweresina tanuoka ing kristal. Wo em palukutan pasiri-siriin itu pakali'ciren é epat mahluk, en owak éra wuta im beren an dior wo an somoi.

Yohanes 4:22

Kamu tou Samaria, kamu mengaapo' a si Amang Kasuruan taan ra'ipé' katuusan iow wutu-wutul si séi Sia, taan kami tou Yahudi mengaapo' a si Amang Kasuruan si wutu-wutul katuusano ami si séi Sia. Ampa'paan aijanjio i Amang Kasuruan sapaoka an uner ami tou Yahudi awéan esa Tou si lumowir oka pakasa in tou.

Yohanes 1:36

An tutuwna suméré si Yesus lumangkoi, icuana, “Sérén, Siao si Toyaang i Domba i Amang Kasuruan!”