Wahyu 6:8 - En Taar Weru a nunuwu' é Tontemboan

⁸ Wo kaséréanku esa kawayo kulo tina'. Wo si tou makasaké asi cawayo itu, e ngaranna ‘Papaté’, wo pakiiten ing kakolanoan im papaté. Séra in dua winéan kawasa e maté sé sangapeepat tou ang kayo'baan anio' ang karapi in sa'bel, ang karapi ing kaareman, ang karapi in sakit malawé, wo ang karapi é binatang léwo' sé ang kayo'baan.

Wahyu 6:8 Referans Kwoze

Wahyu 1:18

wo Si Menonou. Yaku si matéo, taan intarépé' séréno Aku menonou, wo Aku menonou akar ing kauré-uré. Pakakulun-Ku eng kukusi' im papaté wo eng kakolanoan im papaté.

Wahyu 9:18

Sangapetelu é tou ang kayo'baan pinaté é telu kawangkuran siituo en api, tembur wo i walélang sé makesot am ba'ba' é kawayo-kawayo itu.

Wahyu 9:15

Wo sé epat malaékat sé aitu'tulo itu iwekar wosama' patén éra sé sangapetelu tou ang kayo'baan. Séra itu aitantuo iwekar asi jam, endo, serap, wo asi ta'un itu.

1 Korintus 15:55

“Éi papaté, am bisa eng kauntunganmu? Éi papaté, am bisa eng kiki'ci'mu?”

Matius 11:23

Wo kamu sé tou ang Kapernaum, weroten iow réén sapaoka kamu angkaien oka akar an sorga? Ra'ica! Taan taré, itiya'-Na oka kamu a naraka! Sa eng kakaya'kaan si imamualio an uner iow itu niéma'-Ku an Sodom, tantu eng kota itu awéané' akar intarépé'.

Wahyu 12:4

Wo en ipusna méso' sé sangapetelu sumesendot an langit wo iténdélna ang kayo'baan. Si naga itu tumulung an dior i wéwéné si tawio makéré toyaang en lumo'mot si toyaangna, sa si toyaang itu tumou.

Matius 24:7

Ampa'paan maai oka en orasna si esa bangsa mensunduran oka wo sé bangsa walina, si esa kakolanoan mensunduran wo sé kakolanoan walina. Wo awéan oka ka'i kaareman wo ka'i tana' mangéro' am bisa-wisa.