Biblia Todo Logo
Bib sou entènèt

- Piblisite -




Wahyu 6:11 - En Taar Weru a nunuwu' é Tontemboan

11 Wo sé mu'kur itu winéan mekélé esa karai lambot kulo' wo séra kinuanan i mento'pé' toyo' ka'i akar eng kakeli éra malekep. Ampa'paan awéané' sé kara-karapi éra maselewir wo sé poo-poow éra esa paémanen sé patén oka tanu iséra.

Gade chapit la Kopi




Wahyu 6:11
19 Referans Kwoze  

Kekawus in itu, sérénku ka'i sangareru' tou sé ra'io karékénan eng kakelina. Séra itu asé im pakasa im bangsa, in suku, i negara, wo i nunuwu'. Séra makatulung an dior im palukutan pasiri-siriin wo an dior i Toyaang i Domba itu. Séra mekarai ing kulo' wo eng kama éra makatimboi in lala-lalaina im palem.


Wo kalingaanku en suara an sorga icumua, “Ipatico en anio': Tumo'tol intarépé' pakakamangen sé tou sé le'tek makiit si Apo' Yesus akar imaté.” Wo e Roh i Amang Kasuruan in esa en cumua in tana'i, “Ulit, séra ro'na mena' asi pinala'lé-la'léan éra wo teriman éra oka en laasa asé im pakasa sé pinengaéma éra.”


Wo sowatenku, “Tuang! Si tuang e makailek.” Wo icuana a yaku, “Séra ituo sé tou ilumangkoio mai ing kawenduan wangko'. Wo pakén éra en enda' i Toyaang i Domba eng kumemes in juba éra wo méma' akar i makulo'.


Ampa'paan si Amang Kasuruan mawasao in loor ra'ica asalo ing katoronaan éra taan ka'i katoronaanta sé menonou intarépé'. Aitantuo i Amang Kasuruan sapaoka an tutuw em paémanenta makaleke-lekepo, séra ka'i émaan oka i Amang Kasuruan makaleke-lekep.


Ampa'paan kamu ra'io ka'i iwéé é kikiiten é agama Yahudi maapo' am balé paapo'an éra. Lébé-lébé ka'i maai oka en témpona si séike' e maté icamu, pawerotenna ang karapi i méma' in taniitu niéma'nao eng kasalé'an i Amang Kasuruan.


Wo sérénku si wéwéné itu malanguo ampa'paan i melep in enda' é tou le'nas wo in enda' é sairi-sairi i Yesus. Keséréku isia, yaku mangaya-ngaya'ka'.


Wo si binatang karua itu ka'i tumerima ing kawasa e méma' im patong i binatang kataré itu menonou, akar em patong itu ro'na rumoma' wo maté pakasa in tou sé ra'ica kumuru en sumiri' a si patong itu.


Wo mamuali oka ka'i, si esa tou sumarakan oka si poowna in esa em patén. Tanu siitu ka'i e mamuali a si esa amang wo sé toyaangna. Sé toyaang ka'i sumundur oka sé matu'a wo maté iséra.


Taan si amangna itu asalo tumowa sé atana wo icuana, ‘Mario-rior, paalinai eng karai si lumoo-loor wo pakéo mio' ai sia. Wo ka'i pakéano mio' cincin am bua'na ing kamana wo sapatu ang kécéina.


Taan ra'io pandungenku eng katouanku, asalo ro'na lekepenku en tawoien si aiwéé i Apo' Yesus a yaku eng kumua in Abar Kaaruien andumoro' in upus aitambér i Amang Kasuruan a sé cita in tou.


Émaan-Na oka ka'i kamu wo icami cawekar an okoi wo ang kawenduan an tutuw si Apo' Yesus tumumpa mai a mangé en sorga owo. En itu mamuali an tutuw i Apo' Yesus mapaturu' in owak-Na mewali-wali wo sé malaékat-Na si wuta ing kawasa.


Niéma'kuo en tawoienku ang karapi in sama' akar i malekep, kaputé wo si tou repet em pakatéron kumiit mekowa' tuméron akar in sumiwak. Wo aku kasake' le'tek maéman a si Casuruan.


Ampa'paan si séike' si muntepo an tampa pengaenaan e mena' mewali-wali wo si Amang Kasuruan, sia imena'o am pakasa in tawoienna, kaputé si Amang Kasuruan imena'o' an tawoien-Na.


Kamu imayo ka'i am paumungan é toyaang luluna i Amang Kasuruan, e ngaran éra aipatico an sorga. Wo kamu meta'up ka'i wo si Amang Kasuruan, si maakim waya sé tou, wo meta'up ka'i wo sé roh é tou sé nianggap wutul i Amang Kasuruan, sé niéma'o makaleke-lekep.


wo sumumpa ai Sia si menonou akar ing kauré- uré, si méma' in langit wo pakasa sé an untepna, in tana' wo pakasa sé an untepna, in ta'sic wo pakasa sé an untepna. Icua i malaékat itu in tana'i, “En témpona ra'io ka'i pelando-landoi!


Swiv nou:

Piblisite


Piblisite