Wahyu 3:4 - En Taar Weru a nunuwu' é Tontemboan

⁴ Taan an Sardis awéané' sé tou sé ra'ica kumotor ing karai éra. Séra maya' oka mewali-wali wo Yaku mekarai ing karai kulo', ampa'paan séra patus tumerima in itu.

Wahyu 3:4 Referans Kwoze

Wahyu 7:9

Kekawus in itu, sérénku ka'i sangareru' tou sé ra'io karékénan eng kakelina. Séra itu asé im pakasa im bangsa, in suku, i negara, wo i nunuwu'. Séra makatulung an dior im palukutan pasiri-siriin wo an dior i Toyaang i Domba itu. Séra mekarai ing kulo' wo eng kama éra makatimboi in lala-lalaina im palem.

Wahyu 3:5

Si séi e muntung sia pakéan ing karai tanu siitu. Wo e ngaran i tou itu ra'ica pisin-Ku ang kitap ing katouan, taan pangakun-Ku oka e ngaranna an dior i Amang-Ku wo an dior é malaékat-Na.

Wahyu 6:11

Wo sé mu'kur itu winéan mekélé esa karai lambot kulo' wo séra kinuanan i mento'pé' toyo' ka'i akar eng kakeli éra malekep. Ampa'paan awéané' sé kara-karapi éra maselewir wo sé poo-poow éra esa paémanen sé patén oka tanu iséra.

Wahyu 19:14

Wo pakasa sé suraro an sorga kumiit ai Sia. Séra makasaké asi cawayo kulo' wo mekarai in lénen alus kulo' weresi.

Wahyu 4:4

Wo an li'cir im palukutan pasiri-siriin itu awéan ka'i rua ngapulu' epat palukutan pasiri-siriin walina. Wo asé palukutan pasiri-siriin itu, makalukut rua ngapulu' epat matu'a sé mekarai ing kulo' wo an do'kos éra awéan mahkota mas.

Wahyu 3:18

Ampa'paan in ituo, sina'uen-Ku kamu en tumeles mas a Yaku, si matuléno in api, wosama' kamu masiya'. Tumeleso karai kulo' a Yaku wosama' pakén iow wo ra'ica malawi' sérén é tou metangkol. Wo tumeleso solo eng kisu am beren wosama' kamu ro'na suméré.

Wahyu 19:8

Wo si pengantén wéwéné itu winéan kaloasan eng kumarai ing karai lénen alus si masélap wo weresi ulit.” (kaéng lénen alus itu itumuru' im pakasa sé pengaémaan wutul é tou le'nas.)

Yudas 1:23

Tawangeno sé tou sé icasélé'kowo em paémanen wosama' séra ro'na malowir, en itu meputéo kamu icumesot séra asi api naraka owo. Wo ituru'o ka'i mangé eng kaupusan iow a sé tou walina taan mareti-reti mangé wosama' kamu ra'ica katawéran mengaéma' ing kamesé-meséaan kaputé wo iséra. Wo maricao mangé asi karai éra si makotoro, en itu meputé icamu masuut im peri éra sé karican oka mai.

Lukas 21:36

Ampa'paano in itu matéi-téiro mangé kamu wo menomba-nombayango mangé, wosama' kamu keter en sumangkum ing kawenduan sé mamuali oka sa wo ka'i makawoo tumulung an dior i Toyaang i Tou tutuw Sia mai makim icamu.”

Markus 16:5

An tutuw éra muntep angé ang kubur, séra mangaya'ka' ampa'paan sérén éra ang kakan in tinekelan i mayat i Yesus awéan esa mangalitou mekarai ing kulo' makalukut.

Lukas 20:35

Taan sé tou tinou sumawel i Amang Kasuruan wo nianggap patus makéré im bagéan ang kayo'baan weru, séra ra'io kumawéng wo kawéngen.

Matius 10:11

Sa kamu muntep asi esa kota kuma'pa roong, mangéréo mio' esa tou am bitu e ro'na tumerima icamu wo mentoo mio' am bitu akar kamu kumesot asi tampa itu.

Wahyu 11:13

An tutuw ituke' mangéroo mai repet. Sangapepulu' ing kota itu materi, wo pitu ngariwu tou imaté ampa'paan im pangéro' itu. Wo sé tou walina maindé' keli, wo séra rumayo wo sumiri' si Amang Kasuruan an sorga.

2 Tesalonika 1:5

Pakasa en itu mamuali tuus si Amang Kasuruan makim sé tou ang kerapi in da'ica marapit. Kamu intarépé' niokoio ampa'paan ing Kakolanoan i Amang Kasuruan wo ampa'paano in itu kamu ka'i patus muntep ang Kakolanoan-Na.

Kisah Para Rasul 1:15

Asi makasa, sé poo-poow esa paémanen a si Yesus imaumung mewali-wali. Eng kakeli éra wona' sangaatus rua ngapulu' tou. Wo si Petrus tumulung an uner éra wo kumua,

Wahyu 1:11

En téngéna tana'i, “Ipatico mio' an esa kitap pakasa sé sinérému. Kekawus in itu, icirimmu mangé a sé pitu jamaat anio': jamaat an Efesus, an Smirna, am Pergamus, an Tiatira, an Sardis, an Filadelfia wo an Laodikia.”

Wahyu 14:4

Séra itu sé tou menonou le'nas, tanuoka sé tuama si ra'ipé' kawisa tumekel ang karapi é wéwéné ampa'paan séra miara ing kale'nasan. Sé tou itu uli-ulit makiit si Toyaang i Domba am bisa-wisake' en angéan-Na. Séra itu sé tinu'buso an uner é tou e mamuali raragés kataré a si Amang Kasuruan wo a si Toyaang i Domba.