Wahyu 3:18 - En Taar Weru a nunuwu' é Tontemboan

¹⁸ Ampa'paan in ituo, sina'uen-Ku kamu en tumeles mas a Yaku, si matuléno in api, wosama' kamu masiya'. Tumeleso karai kulo' a Yaku wosama' pakén iow wo ra'ica malawi' sérén é tou metangkol. Wo tumeleso solo eng kisu am beren wosama' kamu ro'na suméré.

Wahyu 3:18 Referans Kwoze

Wahyu 16:15

Icua i Casuruan “Séréno, Yaku maai oka tanu rombit. Pakakamangen sé tou sé tumu'tulo ing katouanna, sia itu puté wo sé tou en tumu'tulo ing karaina wosama' sia ra'ica malawi' kaséréan é tou sa sia metangkol.”

1 Petrus 1:7

Asé pangepé'an ituo e méé tuus sapaoka kamu uli-ulit maéman a si Casuruan. E mas ro'na maléwo' mandé niéma'o tulén tinunu an api. Em paémanen iow lumébé mai im bééna i mas, anaé musti ujin ka'i ing kelian pangepé'an wosama' makaketer akar kamu makéré oka i rarayo wo in sisiri' wo pengasiriin asi endo i Yesus Kristus mai sumawel.

Wahyu 19:8

Wo si pengantén wéwéné itu winéan kaloasan eng kumarai ing karai lénen alus si masélap wo weresi ulit.” (kaéng lénen alus itu itumuru' im pakasa sé pengaémaan wutul é tou le'nas.)

Wahyu 7:13

Wo esaan asé matu'a itu mamuéi a yaku, “Si séi réén séra sé makapaké in juba kulo' itu? Am bisa owo réén séra wo mai?”

Matius 13:44

“Eng Kakolanoan in Sorga ayandé tanu ing kasiyaan si pakaenep an untep in tana' si kinéréan i tou, wo yenepna ka'i sumawel an untep in tana' itu. Ampa'paano ing kaaruianna, mangéna iwangkér waya eng kasiyaanna wo en tana' itu telesanna.

Yakobus 2:5

Poo-poow sé icaupusku! Lingano mai en icuaku anio': Sinisiro i Amang Kasuruan sé tou sé paweroten ing kayo'baan anio' lengéi, wosama' séra masiya' am paémanen éra wo makaanu im bagéan ang kakolanoan-Na tanu si aijanji-Nao a sé pakasa in tou sé mengaupus Sia.

Wahyu 3:17

Aicua miow, ‘Kami anio' tou imasiya'o wo sapa-sapake' awéano ai cami, ra'ica wana e maina' ai cami,’ taan ra'ica kailekan iow en ulitna kamu itu tou sumusa-susa wo kawendun oka mai, lengéi, wola wo metangkol.

Wahyu 2:9

Kailekan-Ku eng kasusaan iow wo eng kalengéian iow, taan am beren i Casuruan kamu siya'. Kailekan-Ku ka'i e ngaran iow pengawuruken é tou sé mangaku séra tou Yahudi. Taan en ulitna séra ra'ica tou i Amang Kasuruan taan séra itu jamaat i kikiiten é sétang.

2 Korintus 8:9

Ampa'paan kailekano miow en upus aitambér i Apo'ta Yesus Kristus ai camu: Mandé ka'i Sia siya', taan torona ing kapentingan iow, niéma'-Na en owak-Na malengéi, wosama' kamu masiya'.

2 Korintus 5:3

Si walé ituo en owakta weru. Sa icita makéré owak weru, eng kaangéanna icita mekarai, icita ra'ica imetangkol.

Lukas 12:21

Tanu siituo ka'i e mamuali a sé tou sé asalo mengumu-ngumung ing kasiyaan in owakna in esa, taan ra'ica mengawéé ang karapi in lekep en até e mengaarui in até i Casuruan. Sé tou tanu siitu meputéo wo sé tou ra'ica wana sapa-sapa an dior i Amang Kasuruan.”

Matius 25:9

Taan aisowatke' é mangala'un pandéi in tana'i, ‘Ra'ica, oréoka en solo ra'ica maawes pakén ami wo pakén iow. Aweso taré kamu mangé tumeles a si tou mawangkér in solo.’

1 Timotius 6:18

Ipokéi angé a sé tou siya' wosama' séra maéma' sé loor. Séra musti masalé' mengatambér, masalé' mengawéténg ing kasiyaan éra a sé tou walina.

Wahyu 4:4

Wo an li'cir im palukutan pasiri-siriin itu awéan ka'i rua ngapulu' epat palukutan pasiri-siriin walina. Wo asé palukutan pasiri-siriin itu, makalukut rua ngapulu' epat matu'a sé mekarai ing kulo' wo an do'kos éra awéan mahkota mas.