Wahyu 21:9 - En Taar Weru a nunuwu' é Tontemboan

⁹ Kekawus in itu, mai si esaan asé pitu malaékat si makatimboi im pitu paelepan si mawuta-wuta im pitu kawangkuran sosomoi. Icuana a yaku, “Mayoo am bia'i, ituru'ku oka ai co si pengantén wéwéné, penanaan i Toyaang i Domba.”

Wahyu 21:9 Referans Kwoze

Wahyu 21:2

Kaséréanku ka'i eng kota le'nas, siituo en Yerusalem weru, tumumpamai an sorga asi Amang Kasuruan owo. Eng kota itu tu'tulo kaputé i esa pengantén wéwéné si pinasungo en sumungkul si pengantén tuama.

Wahyu 19:7

Mayo kita maaru-arui wo masalé-salé', wo rumayo wo sumiri' Sia! Ampa'paan eng kawéngan i Toyaang i Domba an endonao, wo si pengantén wéwéné ka'i tu'tulo.

Wahyu 17:1

Kekawus in itu mai a yaku esaan asé pitu malaékat maali-ali im pitu paelepan, wo icuana, “Mayoo am bia'i, ituru'ku oka ai co en ukuman a si wéwéné sumunda-sundal itu. Sia makalukut an tampa keli rano.

Wahyu 1:1

An untep ing kitap anio' aipatic andumoro' sé kamamualian sé makala'us mamuali. Sé kamamualian itu aituru'o i Amang Kasuruan a si Yesus Kristus wosama' ro'na ituru' i Yesus a sé ata-Na. Kekawus in itu yutus i Yesus si malaékat-Na e maai a si ata-Na Yohanes en sumisil sé kamamualian itu.

Wahyu 21:17

Wo ukurenna ka'i e ri'dir mésel itu, enem ngapulu' meter. Em paukur si pinaké i malaékat itu puté wo im paukur pengapakén é tou.

Wahyu 22:1

Wo ituru' ka'i i malaékat a yaku en doyongan in dano ing katouan, en danona léno kaputé ing kristal. Wo en doyongan itu makesotai asi palukutan pasiri-siriin i Amang Kasuruan wo asi palukutan pasiri-siriin i Toyaang i Domba,

Wahyu 22:6

Kekawus in itu, si malaékat itu kumua a yaku, “Sé aicuaku anio' ro'na percayan wo wutul. Wo si Amang Kasuruan si mééo i Roh-Na a sé nabi, ayutus-Nao si malaékat en tumuru' a sé ata-Na sapa sé ra'io uré mamuali sa.”

Wahyu 22:17

Wo e Roh i Amang Kasuruan wo si pengantén wéwéné itu kumua, “Mayoo!” Wo si séike' sé luminga in anio', sia ka'i musti kumua, “Mayoo!” Si séi e maré'om, mayoo! Wo si séi e masalé', mayoo mindo in dano katouan si asaloke' aitambér.