Wahyu 20:8 - En Taar Weru a nunuwu' é Tontemboan

⁸ Wo mangéna oka isélé'kow sé bangsa sé am pakasa ing kayo'baan, sérao sé patuulen ‘Gog’ wo ‘Magog’. Wo séra li'usen oka i kikiiten é sétang e mangé merang. Eng kakeli éra tanu in dangi'ngis an tembir in ta'sic.

Wahyu 20:8 Referans Kwoze

Wahyu 16:14

Séra ituo sé roh é sétang sé mengaéma' in tuu-tuus kakaya'kaan. Wo séra mangé meta'up asé im pakasa é kolano am pakasa ing kayo'baan wo lumi'us iséra e mangé merang asi endo si Amang Kasuruan si Makakawasa makim sé tou.

Wahyu 20:10

Wo si kikiiten é sétang si sumélé'kowo sé tou itu, iténdél an untep in ta'sic api wo walélang. An tampa ituo en tinéndélan si binatang wo si nabi ra'ica wutul. Wo am bitu séra niokoi endo wo em bengi akar ing kauré-uré.

Wahyu 20:3

Wo si naga itu iténdélna an untep ing kepal im papaté. Wo kusiinna eng kepal im papaté itu wo ségélenna, wosama' ra'io toro sélé'kowna sé bangsa, sa ra'ipé' imalekep en sangariwu ngata'un. Sa imalekepo en sa- ngariwu ngata'un iwekar oka sumawel si naga itu taan en témpona ra'ica uré.

Ibrani 11:12

Mandé si Abraham an tutuw itu matu'ao keli wo en owakna tanuoka mapatéo, taan sia makéré keli taranak ra'io karékénan ka'i, tanu sé sumesendot an langit wo i rangi'ngis an tembir in ta'sic.

Wahyu 7:1

Kekawus in itu, kaséréanku awéan epat malaékat makatulung an epat pawayaan in deges ang kayo'baan. Péneten éra en epat lalan in deges itu wosama' ra'ica rumeges ang katanaan, an ta'sic, kuma'pa an tuu-tuura ing kayu.

Wahyu 12:9

Si naga wangker ituo si ula' matu'a, si patuulen kikiiten é sétang kuma'pa Roh léwo', si mengasélé'kow pakasa in tou ang kayo'baan. Sia itu aiténdél ang kayo'baan mewali-wali wo sé malaékatna.