Wahyu 2:14 - En Taar Weru a nunuwu' é Tontemboan

¹⁴ Taan awéan piraan sé ra'ica icasalé'-Ku ai camu: An uner iow awéan sé makiit im pasusui i Bileam. Si Bileam masusui a si Balak tumambisa en tumawér sé tou Israel kuman ing kakanen sé ayumpero a sé opo-opo', wo mengabersina.

Wahyu 2:14 Referans Kwoze

2 Petrus 2:15

Séra itumela'uo in lalan karondoran akar séra icasélé'kow. Séra kumiit in lalan winayaan i Bileam toyaang i Beor si masalé' keli materima roit tanu laasa ing kaléwo-léwo'an.

Wahyu 2:20

Taan iséro'-Ku kamu, ampa'paan aiwayake' miow si esa wéwéné makangaran Izebel. Si wéwéné itu matuul in owakna nabi i Amang Kasuruan, taan sia masusui wo mengasélé'kow sé ata-Ku mengabersina wo mengakan ing kakanen sé ayumpero a sé opo-opo'.

Yudas 1:11

Icawangkuro mio' séra! Ampa'paan séra kumiito in lalan si suméa' meputé wo in lalan si kiniit i Kain. Séra ka'i mengaéma' ing kamesé-meséaan tanu si Bileam imengaéma' ing kamesé-meséaan si masalé-salé'ke' makéré roit. Wo séra patén ampa'paan masundur si Casuruan kaputé i Korah.

Kisah Para Rasul 15:29

Kamu ra'ica toro kuman ing kakanen si ayumpero a sé opo-opo', ra'ica toro kuman sé binatang imaté ampa'paan kiniselan eng kolot, wo ra'ica toro kuman in enda', wo ka'i ra'ica toro mabersina. Sa pakasa en anio' itayang iow, kamu méma'o in loor. Akaré' am bia'i owo en surat ami anio', siri' ai cami owo.”

Ibrani 13:4

Pakasa in tou musti sumiri' ing kawéng wo sé mempenanaan musti le'tek esa wo si esa. Ukumen oka i Amang Kasuruan sé tou sundal wo sé tou mabersina.

1 Petrus 2:8

Wo awéan ka'i en aipatic, “Si watu itu mamuali watu pasangkilan akar icawangkur.” Eng kaangéanna séra casangkil asi watu itu akar cawangkur ampa'paan séra ra'ica maéman wo ra'ica makiit in Taar i Amang Kasuruan, tanu siituo en aitantu mai i Amang Kasuruan ai séra.

Kisah Para Rasul 21:25

Taan andumoro' é tou ra'ica Yahudi sé maémano, séra kinirimano ami surat andumoro' sé pinusé' amio. Em pinusé' ami itu tana'i: séra ra'ica toro kuman ing kakanen sé ayumpero a sé opo-opo', ra'ica toro kuman in enda' kuma'pa kuman sé binatang imaté ampa'paan kinisel, wo ra'ica toro mengabersina.”

Wahyu 22:15

Sé tou makaperi tanu sé asu wo sé mengasihir, sé mengasundal, sé mengapaté tou, sé mengaapo' a sé opo-opo', wo sé masalé' mengatowo wo mengaéma' in towo, séra musti mento' ang kesot ing kota itu.

Wahyu 21:8

Taan sé tou toloindé' mengasairi andumoro' i Yesus, sé tou ra'ica maéman, sé tou mengaéma' ing kaléwo-léwo'an sé karican oka mai, sé tou mengapaté tou, sé tou mengasundal, sé tou mengasihir, sé tou mengaapo' a sé opo-opo' wo pakasa sé tou kotowo, séra im baya yuntep oka an untep in ta'sic api walélang si mengembu-ngembung. Si anioo em papaté karua.”

1 Korintus 7:2

taan ampa'paan sé tou taporak katawéran mengaéma' in cabul, aweso taré sé tuama makapenanaan esa wo sé wéwéné ka'i makapenanaan esa.

Matius 18:7

Icawangkuro eng kayo'baan ampa'paan kelian sé maéma' sé tou mengaéma' ing kamesé-meséaan. Mémang andumoro' in itu tantu awéan, taan icawangkuro si tou imakawali sé tou walina meséa'!

Roma 14:21

Aweso taré kamu tioo mengakan in sama'na, kuma'pa mengaelep anggor, kuma'pa mengaéma' sapake' mangé sa en itu méma' si poow an esa paémanen meséa'.

Roma 14:13

Ampa'paano in itu tioo kita membém-béané' ing kaséaan si esa wo si esa. Taan aweso taré kamu rumaméjio ra'ica mengaéma' in andumoro' sé ro'na tumawér sé poo-poow an esa paémanen katawéran wo icasélé'kow.

Wahyu 2:4

Mandé ka'i in taniitu iséro'-Ku kamu, ampa'paan eng kaupusan iow a Yaku ra'io meputé wo ing kaupusan iow an tutuw iow werupé' maéman a Yaku.

1 Korintus 1:23

Taan kami anio' asalo makua in abar andumoro' i Kristus si maté ang kayu salip. En abar andumoro' i Kristus itu, asaloke' mamuali watu pasangkilan a sé tou Yahudi, akar séra ra'ica maéman a si Kristus. Wo sé tou ra'ica Yahudi, paweroten éra en abar itu abar ra'ica wana torona.

Roma 11:9

Wo icua i Daud, “Iwayao mio' eng kasalé-salé'an éra itu mamuali ta'kong ai séra, wo mamuali lo'beng lepokan éra. Siituo en susuli' ai séra.

Roma 9:32

Kéitu séra ra'ica nianggap wutul i Amang Kasuruan? Ampa'paan séra rumaméji nianggap wutul i Amang Kasuruan ang karapi i makiit in ukum Torat, taan ra'ica ampa'paan maéman a si Amang Kasuruan. Anaé, séra icasangkil asi watu pengasangkilan wo icalepok.