Wahyu 18:10 - En Taar Weru a nunuwu' é Tontemboan

¹⁰ Séra tumulung oka an tayang, ampa'paan caindé' éra mendam in okoi kaputé im pinendamna. Wo icua éra, “Icawangkur, icawangkuro eng kota wangker, siituo eng kota Babel keter, ampa'paan wayake' in esa jam, eng kota itu tumerimao in ukuman.”

Wahyu 18:10 Referans Kwoze

Wahyu 18:19

Wo séra mu'bur in awu am bawo in do'kos éra, ang karapi i maamé' wo maangko', “Icawangkur, icawangkuro eng kota wangker, tampa é pakasa sé makaanu ing kapal imasiya' ampa'paan em barang-barang sosor em bééna. Taan wayake' in esa jam sia itu matongkar.

Wahyu 18:8

Ampa'paan pakasa eng kawangkuran wayake' in sangando tumena ai sia, tanumai sakit malawé, mala'lu wo ing kaareman, wo sia tunun oka in api, ampa'paan si Amang Kasuruan si kumete-keter e makim sia.”

Wahyu 14:8

An tutuw i malaékat kataré imangém, mai ka'i si malaékat karua. Wo icuana, “Imaterio, imaterio eng kota Babel si wangker itu! Ampa'paan pakasa im bangsa ang kayo'baan linanguo é tou Babel ampa'paan i melep in anggor kanajisanna.”

Wahyu 17:12

Sé sangapulu' sungé sé sinérému itu, sérao sé sangapulu' kolano. Séra itu ra'ipé' maperénta, taan séra makéré oka kawasa merénta tanu kolano wayake' in esa jam mewali-wali wo si binatang itu.

Wahyu 11:8

Wo e mayat éra ipakawaya oka an lalan ing kota wangker. Ang kota ituo si Casuruan éra aisalip. Ampa'paan ing kaléwo'an é tou, eng kota itu ro'na ipeputé tanu in Sodom kuma'pa Mesir.

Wahyu 16:19

Wo eng kota wangker itu maweté' mapetelu, wo kai sé kota-kota é bangsa walina sé ra'ica makatuus si Amang Kasuruan makateri-teri waya. Wo kata'néiano i Amang Kasuruan eng kota Babel wangker itu wo émaan-Na eng kota itu melep in anggor am paelepan si wuta ing kae'bowan-Na.

Wahyu 18:18

wo sérén éra en tembur in api si matunu sia, wo séra mangko', “Ra'ica wana kota eng kaputé ing kota wangker itu!”

Wahyu 18:21

Wo angkaien i esa malaékat keter en esa watu wangker tanu ing kawangkerna im batu pagilingan ing gandum. Wo iwangkilna an ta'sic ang karapi ing kumua, “Tanu si anioo eng kota Babel wangker itu iwangkil oka mio' repet, wo sia ka'i ra'io ipeta'up.