Wahyu 17:3 - En Taar Weru a nunuwu' é Tontemboan

³ Kekawus in itu, yaku kinawasa i Roh i Amang Kasuruan wo aku uwiten angé i malaékat an tana' kapayasan. A mangé mbitu, kaséréanku si esa wéwéné makalukut an licur i esa binatang réindang matu'a. An owakna pinatican i ngara-ngaran ipaojat a si Amang Kasuruan. Si binatang itu makaro'kos pitu wo makasungé sangapulu'.

Wahyu 17:3 Referans Kwoze

Wahyu 12:3

Wo mapaturu' mai ka'i esa tuus walina an langit. Wo séréno si esa naga wangker kliur réindang. Sia itu makaro'kos pitu wo awéan sangapulu' sungé. An do'kos si esa wo si esa awéan mahkota.

Wahyu 17:18

Si wéwéné sinérému itu, siituo si kota wangker si maperénta sé kolano ang kayo'baan.

Wahyu 12:6

Wo si wéwéné itu tumincas angé an tana' kapayasan, asi esa tampa si aitu'tulo i Amang Kasuruan ai sia. Am bitu sia paliaran oka sangariwu rua ngaatus enem ngapulu' ngando eng kauréna.

Wahyu 17:4

Si wéwéné itu mekarai ing karai pares wo kaéng réindang wo pinerong i mas, im permata wo i mutiara. Eng kamana makatimboi im paelepan mas wuta sé andumoro' in léwo' wo sé karican asi kanajisanna.

Wahyu 12:14

Taan awéan e méé rua tétéléw wangker i rajawali a si wéwéné itu, wosama' sia ro'na tuméléw angé an tampana an tana' kapayasan tumayang asi naga. Am bitu sia piniara tayang asi tampa i yula' itu eng kauréna telu ngata'un enem ngaserap.

Wahyu 21:10

Wo aku kinawasa i Roh i Amang Kasuruan wo iwalina am puruk ing kuntung wangker wo rangka'. Am bitu turu'na a yaku eng kota le'nas, Yerusalem weru si itumumpa mai an sorga, asi Amang Kasuruan owo.

2 Tesalonika 2:4

Si tou ituo en sumundur si Amang Kasuruan wo mengaangkai in owakna rumangka'mai asé im pakasa é opo-opo' sé paanggapen é tou tanu Kasuruan. Wo ka'i sia lumukut an untep im Balé Le'nas wo an dior é tou icuana sapaoka siao si Amang Kasuruan.

Wahyu 1:10

Asi endo ipasombayang, yaku kinawasa i Roh i Casuruan wo palinganku an somoiku awéan manuwu' in taangko' keli, tanu in téngéna in terompét.

Wahyu 4:2

Tutuw ituke' e Roh i Amang Kasuruan kumawasa Yaku, wo kaséréanku an sorga esa palukutan pasiri-siriin, wo awéan esa Tou makalukut am palukutan pasiri-siriin itu.

Kisah Para Rasul 8:39

An tutuw éra in dua kumesotai an dano, tumarépé'anke'mai iwali i Roh i Amang Kasuruan si Filipus wo sia ra'io kaséréan i kikiiten itu. Wo si kikiiten itu lumala'us im bawayaanna ang karapi in arui.

Matius 27:28

Wukaan éra eng karai-Na wo Sia karaian éra in juba pares.

Wahyu 18:12

siituo e mas, pérak, permata, mutiara, kaéng lénen alus, kaéng pares, kaéng sutra, kaéng réindang matu'a, barang-barang walina sé niéma' ang kayu mawou manam owo, sé niéma' ang gading owo, sé niéma' ang kayu sosor em bééna owo, sé niéma' an tambaga, bési wo am batu marmer owo,

Wahyu 18:16

wo icua éra, “Icawangkur, icawangkuro eng kota wangker si mekarai ing karai lénen alus, kaéng pares, kaéng réindang matu'a, wo si pinerong i mas, permata wo i mutiara.