Wahyu 17:14 - En Taar Weru a nunuwu' é Tontemboan

¹⁴ Séra merang oka en sumundur si Toyaang i Domba, taan si Toyaang i Domba ra'- ica kinakalaan éra, ampa'paan Sia Tuang am pakasa é tuang, wo Kolano am pakasa é kolano. Si Toyaang i Domba itu mewali-wali wo sé tou sé tinowao, sé sinisiro wo sé le'tek ai Sia, muntung oka.

Wahyu 17:14 Referans Kwoze

Roma 8:30

Wo séra sé aitantuo i Amang Kasuruan asi kataré-taré, séra tinowa-Na. Wo séra sé tinowa-Na, séra itu nianggap-Na wutul. Wo séra sé nianggap-Na wutul, séra ka'i wéan-Na in darayo wo in sisiri'.

1 Timotius 6:15

Si Amang Kasuruano in esa en tumantu kawisa si Yesus maai sumawel. Ampa'paan wayake' si Amang Kasuruan e makakawasa em patus iparayo-rayo é tou. Siao si Colano am pakasa é kolano wo Kasuruan am pakasa é kasuruan.

Matius 22:14

Kelian en tou sé tinowa muntep ang Kakolanoan i Amang Kasuruan, taan wayake' im pira eng kinasisiran.”

Wahyu 3:21

Si tou muntung ilukut-Ku oka sia ang karapi-Ku asi palukutan pasiri-siriin-Ku, meputé wo Yaku si muntungo wo lumukut mewali-wali wo si Amang-Ku asi palukutan pasiri-siriin-Na.

Wahyu 1:5

Wo en upus aitambér wo eng kaeluran itu ka'i mai asi Yesus Kristus owo. Siao en sairi le'tek, wo eng kataré-taré itumou sumawel an uner é tou imaté, wo ka'i e makakawasa a sé kolano asi cayo'baan anio'. Sia mengaupus icita, wo mekar ing kamesé-meséaanta ang karapi in enda'-Na.

Wahyu 2:10

Tioo kamu maindé-indé' ing kawenduan si musti pendamen iow. Awéan ai camu si téndél oka i kikiiten é sétang an untep im bui em pangepé'an. Wo pendamen iow oka eng kasusaan sangapulu' ngando eng kauréna. Taan kamu musti le'tek maéman a Yaku akar i maté, wo kamu wéan-Ku oka mahkota ing katouan.

Wahyu 16:14

Séra ituo sé roh é sétang sé mengaéma' in tuu-tuus kakaya'kaan. Wo séra mangé meta'up asé im pakasa é kolano am pakasa ing kayo'baan wo lumi'us iséra e mangé merang asi endo si Amang Kasuruan si Makakawasa makim sé tou.

1 Korintus 15:24

Kumawus in itu eng kayo'baan maka'pu oka. Wo asi témpo itu ka'i pakapaté-patén i Kristus pakasa sé maperénta, pakasa sé makatimboi ing kakawasaan wo ing kaketeran. Wo isarakan-Na oka eng kakawasaan-Na tanu Kolano a si Amang Kasuruan, Amang-Na.

Roma 8:37

Taan mandé pakasa en itu sangkumenta, kita tantu uli-ulit muntung ampa'paan si Kristus imupuso icita.

Matius 28:18

Susuten i Yesus séra wo icua-Na “Tinerima-Kuo waya eng kawasa an sorga wo ang kayo'baan.

Wahyu 11:7

Sa séra icumawuso méé ing kasairian, kumesoto mai ang kepal im papaté si binatang luméwo-léwo'. Sia mai oka sumerang iséra, kumala wo maté iséra.

1 Petrus 2:9

Taan kamu anio' bangsa sé sinisiro i Amang Kasuruan, imam sé maselewir a si Amang Kasuruan si Colanota, bangsa sé line'nas-Nao wo ka'i mamuali anu-Na. Kamu im baya imamuali tanu siitu wosama' ro'na ipakua-kua miow a sé tou andumoro' sé kakaya'kaan sé niéma'o i Amang Kasuruan. Siao en tumowa icamu kumesot ang kariréimbengan wo muntep asi sendot-Na wangko'.

2 Timotius 2:4

Sa si suraro an tutuw i matawoi, ra'ica pandungenna en owakna wo sé urusan walina. Sia asalo makasaru in tawoienna itu wosama' si kikiitenna arui ai sia.

Yohanes 15:16

Ra'ica icamu en isumisir Yaku, taan Yakuo en isumisir icamu mamuali murit-Ku. Kamu winéan-Kuo tawoien, wosama' kamu mangé wo méé wua'na kumeli-keli sé ra'ica maka'pu. Anaé, sapake' em pangileken iow a si Amang-Ku a ngaran-Ku, en itu iwéé-Na oka ai camu.

Matius 25:40

Wo isowat oka i Colano ai séra in tana'i, ‘En ulitna icua-Ku ai camu, pakasa sé niéma' miow a si esaan asé poow-Ku si pawawa-wawa', niéma'o miow en itu torona-Ku.’

Roma 1:6

Kamu ka'i cauntep asé im pakasa é tou itu sé tinowao i Amang Kasuruan mamuali tou i Yesus Kristus.

Wahyu 2:13

Kailekan-Ku em paento'an iow, asi tampa pakakawasan i kikiiten é sétang. Taan kamu uli-ulit le'tek maéman a Yaku wo ra'ica sangkalen iow em paémanen iow a Yaku, mandé ka'i sinéré miow si Antipas sairi le'tek-Ku pinaté an dior iow asi tampa pakakawa- san i kikiiten é sétang.