Wahyu 16:5 - En Taar Weru a nunuwu' é Tontemboan

⁵ Wo kalingaanku si malaékat makakawasa an dano itu kumua, “Icoo si le'nas, si awéano indior, wo ka'i awéan akar intarépé'. Ico si ra'ica marapit, ampa'paan Ico imééo in ukuman anio'.

Wahyu 16:5 Referans Kwoze

Wahyu 11:17

Icua éra, “Icua ami imakapulu'sama' ai Co Amang Kasuruan si Makakawasa, si awéano indior akar intarépé', ampa'paan Ico makéo ing kawasa wangko' wo tumo'tolo maperénta tanu Kolano.

Wahyu 1:8

Si Amang Kasuruan icumua in tana'i, “Yaku anio' Alfa wo Omega, si awéano indior, si awéan intarépé' wo si maai sa, wo Yaku ka'i Si Makakawasa.”

Wahyu 1:4

Siri' i Yohanes a sé pitu jamaat an Asia Teké'. Pekiupusenku a si Amang Kasuruan wo a sé pitu roh an dior im palukutan pasiri-siriin-Na en tumambérai in upus wo ing kaeluran ai camu. Si Amang Kasuruan itu awéano indior, intarépé', wo si maai oka sa.

Wahyu 4:8

Sé epat mahluk itu maka- anu mekélé enem en tétéléw, en an untep wo ang kesot in tétéléw mawuta-wuta im beren. Endo wo em bengi sé mahluk itu ra'ica maento-ento' i makantar, “Le'nas, le'nas, le'nas si Amang Kasuruan Si Makakawasa, Si awéano indior, intarépé', wo si maai oka sa.”

Roma 2:5

Taan kamu anio' keté ngaas wo ra'ica kiim mape'dis. Ampa'paano in itu, icamuo in esa e méma' in ukuman iow makaute-uter asi endo kaka'puan ing kayo'baan sa. Asi endo itu oka si Amang Kasuruan tumuru' ing kae'bowan-Na wo mukum waya sé tou ang karapi in da'ica mengarapit.

Wahyu 16:7

Wo kalingaanku awéan suara asi pawetaan i raragés makua, “O Kasuruan, Amang Kasuruan Si Makakawasa. En ukuman si aiwéé-Mu wutul wo ra'ica marapit!”

Roma 3:5

An tutuw kita mengaéma' sé ra'ica wutul, em peri wutul i Amang Kasuruan kaséré-séréan. Wo sapa en icuata sa kita icae'bow-Na ampa'paan kita mengaéma' sé ra'ica wutul? Icuata réén Sia marapitke'? En itu pakawerotke' é tou.

Wahyu 19:2

Ampa'paan Sia maakim im butul wo ra'ica marapit. Wo winéan-Nao ukuman si wéwéné sundal itu, si iluméwoo ing kayo'baan ang karapi im peri kasundalan. Wo en enda' é ata-Na aisuli'-Nao a si wéwéné sundal itu.”

Wahyu 16:4

Wo ituas i malaékat katelu sé an untep im paelepanna itu am pakasa in doyongan wo am pakasa im palemboian in dano, wo pakasa en dano mamuali enda'.

Yohanes 17:25

O Amang si ra'ica marapit! Si Amang wutul ra'ica katuusan é tou ang kayo'baan anio', taan Aku makatuus si Amang. Wo kailekan é makii-kiit Yaku si Amango e mutusai Yaku.

Wahyu 6:10

Wo sé mu'kur itu kumua in taangko' keli, “O Kasuruan Si Makakawasa si le'nas wo wutul! Urépé' réén sé tou ang kayo'baan akimen i Casuruan? Wo kawisa réén suliin-Mu sé tou imaté icami?”