Wahyu 16:16 - En Taar Weru a nunuwu' é Tontemboan

¹⁶ Wo li'usen é telu roh léwo' itu sé kolano an esa tampa, en tampa itu a nunuwu' é Ibrani patuulen Harmagedon.

Wahyu 16:16 Referans Kwoze

Wahyu 9:11

Wo séra awéan kolano si maperénta, siao si malaékat mengatéir ing kepal im papaté. E ngaran i colano itu “Abadon” a nunuwu' é Ibrani, wo “Apolion” a nunuwu' é Yunani.

Wahyu 17:14

Séra merang oka en sumundur si Toyaang i Domba, taan si Toyaang i Domba ra'- ica kinakalaan éra, ampa'paan Sia Tuang am pakasa é tuang, wo Kolano am pakasa é kolano. Si Toyaang i Domba itu mewali-wali wo sé tou sé tinowao, sé sinisiro wo sé le'tek ai Sia, muntung oka.

Yohanes 19:13

An tutuw i Pilatus luminga en aicua é tou itu, wo iru'du'na sé suraro e maali si Yesus icesot an istana itu. Wo si Pilatus lumukut am palukutan im pengadilan si patuulen Lanté Watu, a nunuwu' Ibrani patuulen Gabata.

Kisah Para Rasul 26:14

Pakasa kami icarepa an tana'. Wo kalingaanku awéan suara makua mai a yaku maké i nunuwu' é Ibrani tana'i, ‘Saulus, Saulus, kéitu réén ko maoko-okoi Yaku? Ico imokoio in owakmu in esa sa ko ra'ica mento' masundur Yaku si makakawasa ico.’

Yohanes 19:17

Wuléngen-Na en salip wo mangé an tampa si makangaran tampa Ru'i in Do'kos, a nunuwu' Ibrani Golgota.

Yohanes 5:2

An Yerusalem awéan esa kolam a nunuwu' é Ibrani patuulen ‘Betesda’. Eng kolam itu an diit im papalen wangko' ang kota si ningaranan ‘Papalen Domba’. An li'cir ing kolam itu awéan lima lésar sé niatepan.