Wahyu 16:11 - En Taar Weru a nunuwu' é Tontemboan

¹¹ Wo ojaten éra si Amang Kasuruan an sorga ampa'paan séra menanang i me'nget wo ampa'paano ing kupe-kupes éra, taan séra ra'ica mape'dis am pengéma- ngémaan éra.

Wahyu 16:11 Referans Kwoze

Wahyu 16:9

Sé tou rinengis im paso' in api si ra'io icakua, akar ojaten éra e ngaran i Amang Kasuruan si makakawasa ing kawangkuran-kawangkuran itu. Wo séra ra'ica mape'dis wo ka'i ra'ica rumayo wo sumiri' Sia.

Wahyu 16:21

Wo awéan uran éis sela an langit owo marongkorai a sé tou. Esa éis eng kauterna lima ngapulu' kilo. Wo ojaten é tou e ngaran i Amang Kasuruan ampa'paan ing kawangkuran wangko' itu.

Wahyu 16:2

Wo si malaékat kataré mangé wo ituasna sé an untep im paelepanna itu ang kayo'baan. Wo pakasa é tou sé awéan tuus i binatang itu wo makuru en sumiri' asi patongna, linemboan ing kupes léwo' wo kaindéén keli.

Wahyu 11:13

An tutuw ituke' mangéroo mai repet. Sangapepulu' ing kota itu materi, wo pitu ngariwu tou imaté ampa'paan im pangéro' itu. Wo sé tou walina maindé' keli, wo séra rumayo wo sumiri' si Amang Kasuruan an sorga.

Wahyu 2:21

Winéan-Kuo témpo si wéwéné itu e mape'dis, taan ra'ica yento'na mengéma-ngéma' sé andumoro' in cabul.

2 Timotius 3:13

Taan sé tou léwo' wo sé tou mengauwak, séra itu makaléwo' oka. Séra mengauwak sé tou, taniitu ka'i wo sé tou walina maréng sumawel sumuli' muwak iséra.