Wahyu 16:1 - En Taar Weru a nunuwu' é Tontemboan

¹ Kekawus in itu, palinganku en suara taangko' an untep im Balé Le'nas si makua a sé pitu malaékat, “Mangéo wo tuaso ang kayo'baan sé an untep é pitu paelepan kae'bowan i Amang Kasuruan!”

Wahyu 16:1 Referans Kwoze

Wahyu 15:1

Wo kaséréanku an langit awéan tuus walina si wangko' wo kakaya'kaan. Awéan pitu malaékat sé maali-ali im pitu kawangkuran sosomoi. Sa sé pitu kawangkuran itu icumawuso, eng kae'bowan i Amang Kasuruan ka'i icumawuso.

Wahyu 16:17

Kekawus in itu tuas i malaékat kapitu sé an untep im paelepanna an langit, wo kalingaan en suara taangko' am palukutan pasiri-siriin owo si am Balé Le'nas, makua in tana'i “Kumawuso waya.”

Wahyu 14:18

Wo awéan esa malaékat walina ka'i cumesotai am pawetaan i raragés. Si malaékat itu kumawasa in api. Wo sia mangko' a si malaékat si makatimboi im pagi' telew paupu', “Iwayongo mio' em pagi' telewmu itu wo upuuno sé wua-wua'na in anggor ang kayo'baan, ampa'paan em bua-wua'na itu wowoso.”

Wahyu 14:15

Wo awéan malaékat walina kumesotai am Balé Le'nas. Wo sia mangko' ai Sia si makalukut am bawo ing kambung itu, “Iwayongo mio' em pagi'-Mu itu wo upuuno, ampa'paan en upuun ang kayo'baan wowoso, wo an orasnao in upuun.”

Wahyu 11:19

Kekawus in itu, mawuka'o mai em Balé Le'nas i Amang Kasuruan an sorga, wo kaséréano em piti im perjanjian-Na an untep im Balé Le'nas itu. Wo mamuali mai eng kilat wo en téngéna in erut wo em pangéro' wo en uran éis repet keli.