Wahyu 14:12 - En Taar Weru a nunuwu' é Tontemboan

¹² Em penting am bia'i sé tou le'nas musti talesen mandé ka'i meta'up in okoi, sérao sé makiit im perénta-perénta-Na wo mauli-ulit maéman a si Yesus.

Wahyu 14:12 Referans Kwoze

Wahyu 13:10

“Si séi si aitantuo e mamuali tawanan, sia mamuali oka tawa- nan. Si séi si aitantuo patén in sa'bel sia patén oka in sa'bel.” Ampa'paan in ituo sé tou le'nas musti talesen wo le'tek maéman mandé meta'up ing kawenduan.

Wahyu 12:17

Wo si wéwéné itu cae'bow i naga, wo mangé serangenna sé taranak walina i wéwéné itu. Séra ituo sé tou makiit in ukum-ukum i Amang Kasuruan wo mawéé ing ka- sairian andumoro' si Yesus.

Wahyu 3:10

Kiniitano miow em peré-perénta-Ku ang karapi in talesen. Ampa'paan in itu loindongen-Ku oka kamu asi oras im pangepé'an si maai oka ang kayo'baan e mangepé' iséra sé maento' ang kayo'baan.

Wahyu 3:8

Kailekan-Ku waya e niéma' miow. Winukaan-Kuo em papalen torona miow wo ra'ica wana e ro'na malen. Kailekan-Ku ka'i sapaoka eng kaketeran iow wayake' im pira, taan kiniitano miow en sususuien-Ku wo ra'ica sumangkal i ngaran-Ku.

2 Timotius 4:7

Niéma'kuo en tawoienku ang karapi in sama' akar i malekep, kaputé wo si tou repet em pakatéron kumiit mekowa' tuméron akar in sumiwak. Wo aku kasake' le'tek maéman a si Casuruan.

1 Yohanes 2:3

Sa pengakiitenta em perénta-perénta i Amang Kasuruan, si- ituo en tuusna kita makatuus Sia.

Wahyu 2:13

Kailekan-Ku em paento'an iow, asi tampa pakakawasan i kikiiten é sétang. Taan kamu uli-ulit le'tek maéman a Yaku wo ra'ica sangkalen iow em paémanen iow a Yaku, mandé ka'i sinéré miow si Antipas sairi le'tek-Ku pinaté an dior iow asi tampa pakakawa- san i kikiiten é sétang.