Wahyu 14:1 - En Taar Weru a nunuwu' é Tontemboan

¹ Kekawus ako in itu, kaséréanku si Toyaang i Domba makatulung an tolaina Sion wo awéan sangaatus epat ngapulu' epat ngariwu tou mewali-wali wo Sia. An tuintung é tou itu pinatican i ngaran i Toyaang i Domba wo ngaran i Amang-Na.

Wahyu 14:1 Referans Kwoze

Wahyu 3:12

Si séi e muntung, émaan-Ku oka sia mamuali totombol am Balé Le'nas i Amang Kasuruan-Ku, wo sia mento' oka am bitu akar ing kauré-uré. Ipatic-Ku oka ka'i ai sia e ngaran i Amang Kasuruan-Ku, e ngaran ing kota i Amang Kasuruan-Ku Yerusalem weru. Wo eng kota itu itumpa oka mai i Amang Kasuruan an sorga owo. Wo ipatic-Ku oka ai sia e ngaran weru-Ku.

Lukas 12:8

“Si séi e mangaku an dior é tou sapaoka sia makiit Yaku, sia ka'i pangakun oka i Toyaang i Tou an dior é malaékat i Amang Kasuruan.

Roma 9:33

Wéanio' rékén sumama-sama', tanu in aipatic ang Kitap Le'nas tana'i, “Aiweta'-Kuo ang kuntung Sion esa watu e méma' sé tou icasangkil, si esa watu wangker si méma' oka sé tou icalepok. Taan si séi e maéman a si Casuruan, ra'ica ipapalawi'.”

Wahyu 14:14

Kekawus in itu kaséréanku esa kambung kulo' wo am bawo ing kambung itu awéan esa tou makalukut. Sia itu tanuoka si Toyaang i Tou. En do'kos-Na pinakéan i mahkota mas, wo eng kama-Na makatimboi esa pagi' telew.

Wahyu 15:5

Wo kaséréanku ka'i em Balé Le'nas an sorga mawuka', siituo en Ténda Kasairian.

Wahyu 6:8

Wo kaséréanku esa kawayo kulo tina'. Wo si tou makasaké asi cawayo itu, e ngaranna ‘Papaté’, wo pakiiten ing kakolanoan im papaté. Séra in dua winéan kawasa e maté sé sangapeepat tou ang kayo'baan anio' ang karapi in sa'bel, ang karapi ing kaareman, ang karapi in sakit malawé, wo ang karapi é binatang léwo' sé ang kayo'baan.

Wahyu 4:1

Kekawus in itu, yaku pinapaturu'an esa papalen si makawuka' an sorga. Wo kalingaanku ka'i en suara si sumangkumo liningaku, en suara itu tanuoka in téngéna in terompét si makua, “Sumosoro mai! Ituru'-Ku oka ai co sapa e mamuali sa.”

Wahyu 14:3

An dior im palukutan pasiri-siriin wo an dior é epat mahluk wo sé matu'a itu, sé sangaatus epat ngapulu' epat ngariwu tou makantar esa kakantaren weru. Ra'ica wana esaan tou ka'i e ro'na majar ing kakantaren itu, aluar iséra. Séra ituo sé tou sé tinu'buso i Amang Kasuruan ang kayo'baan anio'.

Wahyu 22:4

Wo sérén oka éra eng gio-Na, wo an tuintung éra patican oka i ngaran-Na.