Wahyu 13:2 - En Taar Weru a nunuwu' é Tontemboan

² Si binatang sinéréku itu, en owakna puté wo in owak i macan tutul, eng kécéina puté wo ing kécéi i beruang, em ba'ba'na puté wo im ba'ba' i singa. Wo iwéé i naga eng kaketeranna itu, em palukutan pasiri-siriinna wo eng kawasana wangko' a si binatang itu.

Wahyu 13:2 Referans Kwoze

Wahyu 20:2

Wo si naga ula' matu'a itu tangkaanna, siao si kikiiten é sétang. Wo ranténna si naga itu sangariwu ngata'un eng kauré.

Wahyu 17:12

Sé sangapulu' sungé sé sinérému itu, sérao sé sangapulu' kolano. Séra itu ra'ipé' maperénta, taan séra makéré oka kawasa merénta tanu kolano wayake' in esa jam mewali-wali wo si binatang itu.

Wahyu 12:9

Si naga wangker ituo si ula' matu'a, si patuulen kikiiten é sétang kuma'pa Roh léwo', si mengasélé'kow pakasa in tou ang kayo'baan. Sia itu aiténdél ang kayo'baan mewali-wali wo sé malaékatna.

1 Petrus 5:8

Maténga-téngamo wo matéi-téiro mangé kamu! Ampa'paan si kikiiten é sétang si kaséké' miow itu mawaya-waya' tanu si singa mengua-nguang maéré-éré tou en lo'motenna.

Wahyu 19:20

Wo si binatang itu mewali-wali wo si nabi ra'ica wutul tinangka'o. Si nabi ra'ica wutul ituo si sumangkumo méma' in tuu-tuus kakaya'kaan an dior i binatang itu, akar sia sumélé'kow sé tou sé itumerimao in tuus i binatang itu wo si kumuru en sumiri' im patongna. Wo si binatang itu mewali-wali wo si nabi ra'ica wutul itu imenonoué' aiténdélo an ta'sic api walélang wangker si mengembu-ngembung.

Wahyu 13:4

Séra kumuru en sumiri' a si naga itu ampa'paan eng kawasana aiwéénao a si binatang itu. Wo séra kumuru en sumiri' a si binatang itu wo kumua,“Ra'ica wana binatang kaputé i binatang itu. Wo ra'ica wana e makawoo sumundur sia.”

Wahyu 12:15

Wo ireput i naga en dano am ba'ba'na a si wéwéné itu tanu- oka in dano in doyongan, wosama' sia royong in doyongan itu.

Wahyu 12:13

Wo an tutuw kailekano i naga sapaoka sia aiténdélo ang kayo'baan, paangitennao si wéwéné si tumou si Toyaang tuama itu.

Wahyu 16:10

Kekawus in itu ituas i malaékat kalima sé an untep im paelepanna itu am palukutan pasiri-siriin i binatang itu wo eng kakolanoanna mariréimbéng, akar séra kumarét in lila' éra ampa'paan menanang i me'nget.

2 Timotius 4:17

Taan mandé ka'i aku aitela'u éra, si Casuruan kasake' ang karapiku. Kineter-Na mai aku wosama' aku ro'na kumua in Abar Kaaruien andumoro' i Yesus Kristus a sé tou ra'ica Yahudi ang karapi i makakii-kiit. Wo iwekar-Na ka'i aku am pakasa sé kaléwo-léwo'an, tanuoka aku icawekar am ba'ba' i singa.

Wahyu 2:13

Kailekan-Ku em paento'an iow, asi tampa pakakawasan i kikiiten é sétang. Taan kamu uli-ulit le'tek maéman a Yaku wo ra'ica sangkalen iow em paémanen iow a Yaku, mandé ka'i sinéré miow si Antipas sairi le'tek-Ku pinaté an dior iow asi tampa pakakawa- san i kikiiten é sétang.

Wahyu 13:12

Wo pakasa eng kawasa si aiwéé i binatang kataré ai sia, pinakéna en itu an dior i binatang kataré wosama' pakasa in tou sé menonou ang kayo'baan kumuru en sumiri' a si binatang kataré itu. Siao si binatang si masama'o em péla'na si misioka makawali sia am papaté.