Wahyu 12:4 - En Taar Weru a nunuwu' é Tontemboan

⁴ Wo en ipusna méso' sé sangapetelu sumesendot an langit wo iténdélna ang kayo'baan. Si naga itu tumulung an dior i wéwéné si tawio makéré toyaang en lumo'mot si toyaangna, sa si toyaang itu tumou.

Wahyu 12:4 Referans Kwoze

Wahyu 12:9

Si naga wangker ituo si ula' matu'a, si patuulen kikiiten é sétang kuma'pa Roh léwo', si mengasélé'kow pakasa in tou ang kayo'baan. Sia itu aiténdél ang kayo'baan mewali-wali wo sé malaékatna.

Yohanes 8:44

Si kikiiten é sétango si amang iow, wo icasalé' miow mengaéma' sapa si casalé' i amang iow. Tumo'tolai indior akar intarépé' sia mapaté sé tou, wo ra'ica kiimna mengaéma' in sususuien wutul, ampa'paan en sususuien wutul ra'ica an aténa. Casalé'na mengatowo ampa'paan in ituo em peri aselina. Sia kotowo wo palemboian waya in towo.

Wahyu 9:19

Eng kawasa é kawayo itu am ba'ba' wo ka'i an ipus. En ipus éra tanuoka ro'kos i ula', wo si ipus ituo si paokoi éra sé tou.

Wahyu 9:10

En ipus éra tanuoka in ipus é kalajengking wo awéan kiki'ci'. Wo en ipus éra winéan kawasa e mokoi sé tou lima ngaserap eng kauréna.

Wahyu 8:7

Wo si malaékat kataré sumengo in terompétna, wo mamualio mai en uran éis wo api kinemu in enda'. Wo pakasa in itu iténdél ang kayo'baan. Sangapetelu ing kayo'baan wo sangapetelu in tuu-tuura ing kayu wo pakasa en dukut makatunu-tunu.

1 Petrus 5:8

Maténga-téngamo wo matéi-téiro mangé kamu! Ampa'paan si kikiiten é sétang si kaséké' miow itu mawaya-waya' tanu si singa mengua-nguang maéré-éré tou en lo'motenna.

Wahyu 17:18

Si wéwéné sinérému itu, siituo si kota wangker si maperénta sé kolano ang kayo'baan.

Wahyu 8:8

Wo si malaékat karua sumengo in terompétna, wo awéan tanuoka kuntung wangker si mengembu-ngembung aiténdél an ta'sic. Wo sangapetelu in dano an ta'sic imamuali enda',

Wahyu 8:9

wo sangapetelu é menonou an ta'sic me'delo waya, wo ka'i sé sangapetelu eng kakelina ing kapal an ta'sic materio.

Wahyu 8:10

Wo si malaékat katelu sumengo in terompétna, wo rumongkorai ka'i an langit owo si esa sumesendot wangker si mengembu-ngembung tanuoka im pakaembung in obor, wo irumongkor an sangapetelu in doyo-royongan wo ka'i am pakasa im palemboian in dano.

Wahyu 8:11

E ngaran i sumesendot itu Apsintus. Sangapetelu asé pakasa in dano mapentu', wo kelian tou imaté ampa'paan in dano pentu' itu.

Wahyu 8:12

Wo si malaékat kaepat sumengo in terompétna, wo sangapetelu i yéndo, serap wo sé sumesendot kinapasutan akar sangapetelu asé im pakasa sé kinapasutan itu mariréimbeng. Wo in taniitu sangapetelu in endo mariréimbeng, taniitu ka'i sé sangapetelu im bengi.

Wahyu 12:7

Kekawus in itu mamualio mai em perang an sorga. Si Mikhael wo sé malaékatna maperang sumundur si naga itu, wo si naga itu tinawang é malaékatna.

Wahyu 13:2

Si binatang sinéréku itu, en owakna puté wo in owak i macan tutul, eng kécéina puté wo ing kécéi i beruang, em ba'ba'na puté wo im ba'ba' i singa. Wo iwéé i naga eng kaketeranna itu, em palukutan pasiri-siriinna wo eng kawasana wangko' a si binatang itu.

Wahyu 13:4

Séra kumuru en sumiri' a si naga itu ampa'paan eng kawasana aiwéénao a si binatang itu. Wo séra kumuru en sumiri' a si binatang itu wo kumua,“Ra'ica wana binatang kaputé i binatang itu. Wo ra'ica wana e makawoo sumundur sia.”

Wahyu 16:13

Wo kaséréanku awéan telu roh léwo' tanuoka kesol. Sé telu roh léwo' itu, si esa kumesot am ba'ba' i naga, si esa kumesot am ba'ba' i binatang, si esa ka'i cumesot am ba'ba' i nabi ra'ica wutul.

Wahyu 20:2

Wo si naga ula' matu'a itu tangkaanna, siao si kikiiten é sétang. Wo ranténna si naga itu sangariwu ngata'un eng kauré.