Wahyu 12:10 - En Taar Weru a nunuwu' é Tontemboan

¹⁰ Wo kalingaanku en suara taangko' keli an sorga owo makua in tana'i, “Intarépé' imayo eng kalowiran asi Amang Kasuruan wo Sia tumuru' ing kawasa-Na wo merénta tanu Kolanota. Wo ka'i en témpona i Kristus si sinisir-Na tumuru' ing kakawasaan-Na. Ampa'paan si kikiiten é sétang aiténdélo ang kayo'baan, sia itu si menudu-nudu sé poo-poowta an esa paémanen endo wo em bengi an dior i Amang Kasuruan.

Wahyu 12:10 Referans Kwoze

Lukas 22:31

Wo icua i Yesus a si Simon Petrus, “Simon, Simon, wéanmu rékén sumama-sama'! Si kikiiten é sétang imakéréo kaloasan asi Amang Kasuruan e mangepé' ai camu im baya, akar catané a Yaku. Si kikiiten é sétang itu tanu si menganguma tumaap im béné' en tumané im béné' loor wo sé wéné' pesel.

Wahyu 11:15

Wo si malaékat kapitu sumengo in terompét, wo awéan suara si maangko' an untep in sorga makua, “Eng kakolanoan ing kayo'baan mamualio Kakolanoan i Casuruanta wo Kakolanoan i Kristus. Sia merénta oka akar ing kauré-uré.”

Matius 28:18

Susuten i Yesus séra wo icua-Na “Tinerima-Kuo waya eng kawasa an sorga wo ang kayo'baan.

Wahyu 2:26

Si séi si muntung wo mengaéma' sapa sé icasalé'-Ku akar asi endo ing ka'karan, wéan-Ku oka sia kawasa e merénta im bangsa-bangsa.

2 Korintus 12:9

Taan en aisowat i Casuruan a yaku, “En upus aitambér-Ku aweso ai co. Ampa'paan eng kawasa-Ku makaleke-lekep oka sa ko ra'ica keter.” Ampa'paan in itu yaku lébé masalé en tumirayo sé ra'ica keter an owakku. Ampa'paan an tutuw aku ra'ica keter, eng kawasa i Kristus awéan mewali-wali wo yaku.

Lukas 11:2

Wo icua i Yesus ai séra, “Sa kamu sumombayang, icuao mio' in tana'i, ‘Amang ami an sorga, e ngaran-Mu le'nas wo iparangka-rangka'. Mayoo si Amang Kumawasa tanu Kolano ami.

Matius 26:64

Wo isowat i Yesus, “Si Amango in esa en cumua in itu. Taan icua-Ku ai camu, tumo'tol asi oras anio' kaséréan iow oka si Toyaang i Tou makalukut ang kakan i Makakawasa, wo mai ang kayo'baan an dangka' ing kambung-kambung an langit.”

Matius 6:10

mayoo si Amang kumawasa tanu Kolano ami, mamualio eng kasalé'an-Mu ang kayo'baan meputé an sorga.

Titus 2:3

Taniitu ka'i sé wéwéné matu'ao, sina'uenmu mangé séra wosama' musti mengaapo' kumiit ing kasalé'an i Casuruan. Séra ka'i ra'ica toro mengawuruk i ngaran é tou wo ra'ica tansaléén in elepen mengalangu. Aweso taré séra itu mengasusui angé sé loor a sé tou.

1 Korintus 5:4

An tutuw iow mali'u-li'- us ang karapi i ngaran i Apo' Yesus, anggapeno mio' aku an unero miow wo eng kawasa i Yesus Apo'ta ang karapi miow am bitu.

Wahyu 7:10

Ang karapi in taangko' icua éra, “Eng kalowiran itu asi Amang Kasuruan ami owo si makalukut am palukutan pasiri-siriin wo asi Toyaang i Domba.”

1 Petrus 5:8

Maténga-téngamo wo matéi-téiro mangé kamu! Ampa'paan si kikiiten é sétang si kaséké' miow itu mawaya-waya' tanu si singa mengua-nguang maéré-éré tou en lo'motenna.