Wahyu 11:16 - En Taar Weru a nunuwu' é Tontemboan

¹⁶ Wo sé rua ngapulu' epat matu'a sé makalukut am palukutan pasiri-siriin éra an dior i Amang Kasuruan kumundu wo kumuru en sumiri' a si Amang Kasuruan.

Wahyu 11:16 Referans Kwoze

Wahyu 4:4

Wo an li'cir im palukutan pasiri-siriin itu awéan ka'i rua ngapulu' epat palukutan pasiri-siriin walina. Wo asé palukutan pasiri-siriin itu, makalukut rua ngapulu' epat matu'a sé mekarai ing kulo' wo an do'kos éra awéan mahkota mas.

Wahyu 4:10

sé rua ngapulu' epat matu'a itu kumundu an dior-Na si makalukut am palukutan pasiri-siriin itu wo kumuru en sumiri' ai Sia si menonou akar ing kauré-uré. Wo wukaan éra e mahkota, wo iweta' éra an dior im palukutan pasiri-siriin itu wo kumua,

Wahyu 7:11

Kekawus in itu, pakasa sé malaékat tumulung wo lumi'cir im palukutan pasiri-siriin ang karapi é matu'a wo sé epat mahluk itu. Sé malaékat itu kumundu an dior im palukutan pasiri-siriin, wo kumuru en sumiri' a si Amang Kasuruan.

Wahyu 19:4

Wo sé rua ngapulu' epat matu'a wo sé epat mahluk itu kumundu wo kumuru en sumiri' a si Amang Kasuruan si makalukut am palukutan pasiri-siriin. Wo icua éra, “Ulit! Irayoo mangé si Amang Kasuruan.”

Wahyu 5:14

Wo sé epat mahluk itu kumua, “Ulit!” Wo sé matu'a itu ka'i kumundu wo kumuru in sumiri'.

Matius 19:28

Icua i Yesus ai séra, “En ulitna icua-Ku mangé ai camu, ang kayo'baan weru, si Toyaang i Tou lumukut oka am palukutan-Na iparayo-rayo wo pasiri-siriin e makim waya sé tou. An tutuw itu, kamu im baya é murit-Ku lumukut oka ka'i asi sangapulu' rua palukutan pasiri-siriin mewali-wali wo Yaku e makim sé sangapulu' rua suku é Israel.