Wahyu 10:11 - En Taar Weru a nunuwu' é Tontemboan

¹¹ Kekawus in itu, awéan en cumua a yaku, “Musti icuamu ka'i sumawel e nunuwuun i Amang Kasuruan andumoro' in sapa sé mamuali oka a sé kelian bangsa, negara, nunuwu' wo ka'i a sé kolano.”

Wahyu 10:11 Referans Kwoze

Wahyu 17:15

Wo icua ka'i i malaékat itu a yaku, “Pakasa en dano sé sinérémuo si pakalukutan i wéwéné sundal itu, siituo sé tou, sé reru' é tou keli, sé bangsa, wo sé nunuwu'.”

Wahyu 14:6

Wo kaséréanku si esa malaékat walina ituméléw rumangka-rangka' an langit. Sia itu maali-ali in Abar Kaaruien si akar ing kauré-uré torona icua a sé tou sé maénto' ang kayo'baan. Séra ituo sé pakasa im bangsa, in suku, i nunuwu' wo i negara.

Wahyu 11:9

Sé tou asé im pakasa im bangsa, in suku, i nunuwu' wo i negara suméré oka i mayat éra eng kauréna tiga ari sténga. Wo ra'ica iwéé éra e mayat itu cubur.

Wahyu 5:9

Wo séra kumantar esa kakantaren weru tana'i: “Icoo em patus tumerima ing gulungan kitap itu, wo muka' in ségél-ségélna. Ampa'paan Ko sumangkumo pinaté, wo ang karapi in enda'-Mu, tinu'bus-Muo séra torona i Amang Kasuruan, séra itu mai am pakasa in suku, i nunuwu', i negara wo im bangsa.

Wahyu 10:10

Wo indonku eng gulungan kitap ang kama i malaékat itu, wo kanenku. Am ba'ba'ku eng gulungan itu mananam tombal tanu im biluk taan kelo'motku mako, an untep im poot kananaman pentu'.

Wahyu 11:1

Kekawus in itu awéan e méé a yaku sangapokol kayu tanuoka weka' pengaukur wo aku pinerénta in tana'i, “Tumooro wo mangéo ukuren em Balé Le'nas wo em pawetaan i raragés, wo rékéneno ka'i pira eng kakeli é tou maapo' am bitu.

Wahyu 17:10

wo sé pitu ro'kos ituo ka'i sé pitu kolano. Lima asé kolano itu imatéo. Wo si esa ang karoro'ané' imaperénta wo si esa ka'i ra'ipé' mai. Sa sia maai ra'ica talos uré e merénta.

Wahyu 17:12

Sé sangapulu' sungé sé sinérému itu, sérao sé sangapulu' kolano. Séra itu ra'ipé' maperénta, taan séra makéré oka kawasa merénta tanu kolano wayake' in esa jam mewali-wali wo si binatang itu.