Titus 1:11 - En Taar Weru a nunuwu' é Tontemboan

¹¹ Sé tou tanu siitu musti iru'du'mu menes wosama' séra ra'io mengasusui sé ra'ica wana en torona. Ampa'paan sé pengasusui éra itu mengauwak sé tou wosama' séra ro'na makéré roit. Wo en sususuien éra itu lumicokoo sé keli pamalé'.

Titus 1:11 Referans Kwoze

2 Timotius 3:6

Ampa'paan awéan piraan tou an uner éra muntep maene-enep am balé é tou walina e matawér sé wéwéné bodok sé taporak katawéran ampa'paan sé wéwéné itu wutu-wutul mendam ing keli kamesé-meséaan wo kinawasapé' ing kasalé-salé'an in owak.

1 Timotius 6:5

meindo-indoan roma', mawasa-wasa sé ra'ica loor wo ra'io makailek in sususuien wutul. Pawerotenna sa sia mengaapo' a si Amang Kasuruan, sia ro'na masiya'.

Roma 3:19

Taan intarépé' kailekanta sapaoka pakasa sé aipatic an ukum Torat, torona é tou sé menonou pakakawasan in ukum Torat. Wo in taniitu ra'ica wana mandé esake' tou e ro'na méé alasan sapaoka en owakna wutul, anaé pakasa en tou ang kayo'baan meséa' an dior i Amang Kasuruan.

Titus 3:10

Musti ka'i romaanmu mangé si tou maéma' ing kapetanéan an jamaat. Sa makaruao sina'uenmu sia wo ra'ica kiimna luminga, tioo ko mekarapi wo isia.

Titus 1:9

Séra ka'i musti tou wutu-wutul makiit in sususuien wutul si sususuien aisusuio ai séra. Wo in taniitu kawooan éra maké in sususuien wutul itu en sumina'u sé tou wo ka'i makawoo rumondor im bewerot é tou sé masundur in sususuien itu.

Titus 1:7

Sé mengatilik an jamaat en tawoienna mengatu'tul sé jamaat i Amang Kasuruan, sia musti menonou ra'ica wana e ro'na méé kaséaan, ra'ica tirayo, ra'ica tae'bow, ra'ica lalangun, ra'ica tampenokolen wo ra'ica ata in doit.

2 Korintus 11:10

En darayoku itu ra'ica toro kalaan é séike' mangé an Akhaya, ampa'paan en sususuien wutul i Kristus an untepo in atéku.

Lukas 20:40

Ampa'paano in itu ra'io wana ai séra em brani mamuéi in sapake' mangé a si Yesus.

Yohanes 10:12

Awéan tou pengawéran en tuméir sé domba taan sia ra'ica gembala, wo ka'i ra'ica makaanu domba. An tutuw séréna awéan serigala maai, itela'una sé domba itu wo sia tumincas, akar awéan domba sé kinarét i serigala wo sé walina tumincas akar icasera-serar.

Matius 23:13

“Icawangkuro mio' kamu sé makailek wutul in Torat wo sé tou Farisi! Kamu anio' tou punek. Ampa'paan pengakalaan iowke' sé tou masalé' muntep ang Kakolanoan in Sorga. Icamu in esa ra'- ica kiim muntep ang Kakolanoan in Sorga, akar pengakalaan iow sé tou masalé' muntep ang Kakolanoan in Sorga. [

1 Timotius 5:4

Taan sa sé balu wéwéné awéané' toyaang kuma'pa poyo', sé toyaang wo sé poyo'na itu en suma'li ai sia. Musti susuian éra tambisa en sumuli' ing kalooran i inang wo si néné éra. Wo in taniitu, séra maruio in até i Amang Kasuruan.

1 Timotius 5:13

Séra itu asalo mengéra-ngéra asi walé esa wo mangé am balé walina, wo in taniitu séra numaram in owak mengena-ngena'ke'. Wo ra'ica mengena-ngena'ke', séra ka'i mengapaar andumoro' ing kawurukan é tou, marambét in urusan é tou walina wo ka'i memaa-maar sé ra'ica patus.

2 Timotius 2:18

Séra in dua itu isumélé'kowo a si sususuien wutul. Pengasusui éra sapaoka sé tou imatéo, tinouo sumawel i Amang Kasuruan, anaé ra'io wana tou en touené' sumawel. Wo em pengasusui éra itu, lumicokoo piraan tou sé maémano a si Yesus.