Matius 9:6 - En Taar Weru a nunuwu' é Tontemboan

⁶ Taan intarépé', musti kailekan iow sapaoka ang kayo'baan anio' si Toyaang i Tou awéan kawasa e méé kaampungan ang kamesé-meséaan.” Wo icua i Yesus a si tou késo' itu, “Tumulungo, angkaieno en tinekelanmu wo maréngo am balému.”

Matius 9:6 Referans Kwoze

Matius 9:5

Si wisa en lébé taporak icua-Ku, ‘Eng kamesé-meséaanmu niampungano’, kuma'pa ‘Tumooro wo maya'o’?

2 Korintus 2:10

Sa ampungan iow si tou iméma'o ing kaséaan ai camu, ampunganku ka'i si tou itu. Ampa'paan sapa sé niampungankuo, sa wutul awéan em perlu ampungan, en itu ampunganku an dior i Kristus torona ing kalooran iow.

Kolose 3:13

Sa awéan tou e méma' ing kaséaan ai camu, ituru'o mangé eng katalesenan iow a si tou itu wo sa awéan ai camu si menii-niim in léwo' membém-béan angé ing kaampungan. Tanu si Casuruan mééo ing kaampungan ai camu, mengaéma'o mangé tanu siitu.

Efesus 4:32

Taan aweso taré kamu loor en até, meupu-upusan, membém-béan angé ing kaampungan, kaputé i Amang Kasuruan mengawéé ing kaampungan ai camu sé maémano a si Kristus.

2 Korintus 5:20

Anaé, icamio sé a yutus i Kristus. Sa kami sumina'u icamu, en itu meputéo si Amang Kasuruan sumina'u. Wo ang karapi i ngaran i Kristus, uli-ulit pekiupusen ami, wosama' icamu meeluran wo si Amang Kasuruan.

Kisah Para Rasul 9:34

Wo icua i Petrus ai sia, “Eneas, si Yesus Kristus isumama'o ico. Tumooro wo tu'tuleno em pakatekelanmu!” Asi témpo ituke', si Eneas makala'us tumoor.

Kisah Para Rasul 5:31

Wo angkaien-Na mangé si Yesus ang karapi ing kama kakan-Na an tampa pasiri-siriin, wosama' sé tou Israel ro'na mape'dis wo makéré ing kaampungan ang kamesé-meséaan.

Yohanes 17:2

Ampa'paan si Amang mééo mai ing kawasa a Yaku e merénta waya sé tou, wosama' Aku ro'na méé ing katouan akar ing kauré-uré ai séra sé aisarakano i Amang a Yaku.

Yohanes 10:28

Wo iwéé-Ku ai séra eng katouan akar ing kauré-uré, wo séra ra'ica iwaya-Ku maté akar ing kauré-uré. Wo ra'ica ka'i wana esaan tou e ro'na mandét iséra ang kama-Ku.

Lukas 5:21

Kelinga in itu, piraan tou sé makailek wutul in Torat wo sé tou Farisi mawero-werot an untep in até, “Si séi réén si Tou anio'! Em pakanuwu'-Na maojato si Amang Kasuruan. Ra'ica wana tou e ro'na méé kaampungan ing kamesé-meséaan é tou, wayake' si Amang Kasuruan.”

Markus 2:10

Taan icua-Ku in taniitu, wosama' kailekan iow sapaoka ang kayo'baan, si Toyaang i Tou awéan kawasa e méé kaampungan ang kamesé-meséaan.” Wo icua i Yesus a si tou késo' itu,

Markus 2:7

“Kéitu réén si Tou anio' numuwu' tanu siitu? Sia maojato si Amang Kasuruan. Si séi réén e ro'na méé kaampungan ing kamesé-meséaan é tou aluar si Amang Kasuruan?”

Matius 8:20

Icua i Yesus ai sia, “Si serigala awéan wileng paento'an, taniitu ka'i sé burung awéan em parumunan. Taan si Toyaang i Tou ra'ica wana paento'an.”

Matius 4:24

Wo icaseraro en abar andumoro' i Yesus am pakasa in Siria, ampa'paan in ituo séra mai ai Sia. Wo iwali éra mai pakasa sé tou sé membam-balinaan en sakit, sé mawendu, sé rinasuk é sétang, sé sumakit ayan wo sé késo' wo séra im baya sinama'-Na.

Matius 9:2

Wo paalinai é tou a si Yesus si esa tou késo' aitekel am patekelanna. An tutuw sérén-Na em paémanen éra, kinailekan-Nao sapaoka séra maéman ai Sia, wo icua-Na a si tou késo' itu, “Ketereno mangé en atému éi toyaang-Ku, eng kamesé-meséaanmu niampungano.”

Matius 9:7

Wo si tou késo' itu ka'i tumulung wo maréng.

Yohanes 5:8

Icua i Yesus ai sia, “Tumulungo, angkaieno en tepému wo maya'o.”

Yohanes 5:27

Wo si Amang-Ku ka'i mééo ing kawasa a Yaku e makim ampa'paan Yaku Toyaang i Tou.