Matius 9:1 - En Taar Weru a nunuwu' é Tontemboan

¹ Kekawus in itu, si Yesus wo sé murit-Na sumaké an londéi en lumewet maangé an lewet in lour. Wo icateka'o Sia an doong-Na in esa.

Matius 9:1 Referans Kwoze

Matius 4:13

Wo itela'u-Na e Nazaret wo mento' ang Kapernaum, an tembir in lour Galilea an sangkum in Zebulon wo Naftali.

Lukas 8:37

Wo pakasa sé tou an sangkum ing Gerasa mekiupus a si Yesus wosama' itela'- u-Na en tampa éra. Icua éra in taniitu ampa'paan séra im pakasa uli-ulit maindé'. Anaé, si Yesus sumaké sumawel an londéi wo maréng.

Markus 5:21

Si Yesus wo sé murit-Na sumaké an londéi wo maréng angé sumawel an lewet in lour Galilea. An tembir in lour itu, sé tou keli mai lumi'cir Sia.

Matius 8:18

An tutuw i Yesus suméré sé tou keli lumi'cir Sia, ru'du'-Na sé murit en lumewet angé in lour.

Matius 7:6

Tioo kamu mengakua in Taar i Amang Kasuruan a sé tou sé ra'ica kiim tumerima, en itu putéke' kamu méé im barang le'nas a si asu kuma'pa mangkil i mutiara a sé wawi. Pakasa en itu ipeléa-léak éra oka wo sumali'si' kumarét icamu.”

Wahyu 22:11

Si séi si maéma' in léwo', iwayao mio' sia mengéma-ngéma' in léwo'. Si séi si maéma i najis, iwayao mio' sia mengéma-ngéma' i najis. Si séi si mengéma' im butul, iwayao mio' sia mengéma-ngéma' im butul. Si séi si le'nas, iwayao mio' sia menonou angé le'nas.”

Matius 8:23

Wo si Yesus sumaké an londéi wo kiiten ka'i é murit-Na.

Lukas 8:40

An tutuw i Yesus maréng angé sumawel an lewet in lour, Sia sinungkul é tou keli ang karapi in arui ampa'paan séra im baya ang karoro'an mengento-ngento' Sia.