Matius 8:2 - En Taar Weru a nunuwu' é Tontemboan

² Wo mai ai Sia si esa tou kusta, kumundu en sumiri', icuana “Tuang, sa woo casalé' i Tuang, ro'na samaan i Tuang en sakitku.”

Matius 8:2 Referans Kwoze

Matius 18:26

Wo si ata itu makala'us kumundu an dior i colano wo mekiupus in tana'i, ‘Tuang kolano, lesenanio' toyo', pakasa en utangku wéranku oka.’

Matius 15:25

Taan si wéwéné itu rumuruke' taré mangé wo kumundu en sumiri' Sia wo kumua, “Tuang, tawangenai aku.”

1 Korintus 14:25

Sé pakaenepna an untep in aténa kaséréan oka sa, akar iko'kosna en owakna wo kumundu maapo' a si Amang Kasuruan wo kumua, “Ulit! Si Amang Kasuruan an uner iow.”

Kisah Para Rasul 10:25

An tutuw i Petrus muntep, si Kornelius kumundu an dior i Petrus e méé in siri' ai sia.

Yohanes 9:38

Icua i tou itu, “Émanenku, é Tuang!” Wo sia kumundu wo maapo' ai Sia.

Matius 28:17

Icateka' mangé am bitu, kaséréan érao si Yesus wo séra kumundu en sumiri' Sia, taan awéané' piraan tou sé ra'ipé' talos mercaya.

Lukas 4:27

Tanu siitu ka'i an jaman i nabi Elisa, an tana' Israel keli sé tou sumakit kusta. Taan ra'ica wana mandé esake' tou en sinama' i Amang Kasuruan, aluar si esa tou Siria, makangaran Naaman.”

Matius 26:6

An tutuw i Yesus am Betania, Sia tumuli am balé i Simon si sumangkumo sinakitan ing kusta.

Matius 20:20

Si Penanaan i Zebedeus ang karapi é rua toyaangna mai a si Yesus, wo kumundu an dior-Na e mangilek ai Sia.

Matius 14:33

Sé tou an londéi itu kumuru en sumiri' Sia wo kumua, “En ulitna si Tuang Toyaang i Amang Kasuruan.”

Matius 13:58

Ampa'paan ra'ica émanen éra Sia akar ra'ica keli eng kakaya'kaan niéma'-Na am bitu.

Matius 9:18

Ang karoro'an i Yesus maroma' a sé murit i Yohanes Mabaptis, wo mai ai Sia si capala im balé paapo'an é agama Yahudi. Si tou itu kumuru en sumiri' Sia wo kumua, “Guru, si toyaangku wéwéné makapatépé'. Taan pekiupusenku sa woo ro'na si Guru mai am baléku wo maro ing kama ai sia, wosama' sia ro'na tumou sumawel.”

Wahyu 19:10

Wo aku kumundu an dior ing kécéi i malaékat itu en sumiri' sia, taan icuana a yaku, “Tioo ko méma' taniitu a yaku! Ampa'paan yaku asaloke' ata i Amang Kasuruan kaputému wo kaputé é poo-poowmu an esa paémanen sé masairi andumoro' i Yesus. Apoono mangé si Amang Kasuruan, ampa'paan eng kasairian i Yesus ituo e méma' sé tou mengakua in Taar i Amang Kasuruan.”

Matius 28:9

Tumarépé'anke'mai si Yesus ipeta'upo éra wo kumua, ‘Siri' ai camu’. Wo susuten éra Sia, keresen éra eng kécéi-Na wo kumuru en sumiri' Sia.

Matius 10:8

Samaano mangé sé tou sumakit, toueno sé tou imatéo, samaano mangé sé tou kusta wo yuséro sé sétang asé tou. Tinerimao miow waya en itu si asaloke' aitambér, ampa'paan in itu itambéro ka'i mangé en itu a sé tou walina.

Matius 4:9

Wo icuana a si Yesus, “Pakasa en itu iwééku oka ai Co, sa Ko kumundu en sumiri' yaku.”

Matius 2:11

Wo séra muntep am balé itu, sérén éra si Toyaang itu ang karapi i Maria inang-Na. Wo séra kumundu wo kumuru en sumiri' si Toyaang itu. Wukaan éra en tampa pengaémaan ing kasiyaan wo iwéé éra eng kasiyaan éra tanu raragés ai Sia tanumai mas, kamenyan wo mur.

Matius 8:1

Kekawus i Yesus merosio' in tolaina, sé tou keli meréro-rérot makiit Sia.

Matius 8:25

Wo mai sé murit-Na e molo Sia, Icua éra, “Guru, tawangenai, kita tawio maté.”

Kisah Para Rasul 10:14

Taan isowat i Petrus, “Ra'ica é Kasuruan. Yaku ra'ipé' kawisa kuman sé binatang ra'ica toro kanen wo najis itu kiit in atoran an agama ami.”