Matius 7:2 - En Taar Weru a nunuwu' é Tontemboan

² Ampa'paan em pakaakim sé pengapakén iow i maakim sé tou, em pakaakim itu ka'i em pakén oka i Amang Kasuruan e makim icamu. Wo em paukur sé pengaukur iow a sé tou walina, siituo oka ka'i en yukur ai camu.

Matius 7:2 Referans Kwoze

Yakobus 2:13

Sa an témponao si Casuruan mai makim sé tou, Sia ra'ica kawisa tumuru' ing kaupusan a sé tou sé ra'ica wana kaupusan a sé tou walina. Taan sé tou mengaupus sé tou walina, séra ra'ica makéré in ukumen asi endo pengaakiman.

Markus 4:24

Wo icua ka'i i Yesus, “Wéanio' rékén sumama-sama' sapa sé pinalingao miow! Sa kamu wutu-wutul masalé' makailek, émaan oka i Amang Kasuruan kamu lébé makailek, wo awesan-Napé' ka'i wosama' kamu lébé makailek. Anaé em pengaukur sé pengaukur iow a sé tou walina siitu oka ka'i en yukur ai camu.

Lukas 6:38

Mengawééo mangé a sé tou walina wosama' kamu wéan oka ka'i mai i Amang Kasuruan. Ukuren-Na am pengaukuran loor wo ipengéro-ngéro' wo ipemese-meseké' ka'i wo awesan-Napé' akar i mawuta-wuta wo wéé-Na ai cita. Ampa'paan sa kamu mengawéé wayake' im pira a sé tou walina, kamu ka'i wéan oka i Amang Kasuruan waya im pira. Sa kamu mengawéé keli a sé tou walina, kamu ka'i wéan oka i Amang Kasuruan kumeli-keli.”

Wahyu 18:6

Émaano mangé sia tanu sapa sé niéma'na ai camu, wo suliino mangé waya sé pengaémaanna makarua lumepet. Pumpunano mio' em paelepanna in elepen si kinemu i makarua lumepet eng kakerasna.

2 Korintus 9:6

Wéanio' rékén en anio': Si tou imuras in lulumbo wayake' im pira, tantu en upuunna wayake' im pira. Taan si tou imuras in lulumbo kumeli-keli, tantu en upuunna kumeli-keli.

Matius 6:14

Sa ampungan iow eng kameséaan sé niéma' é tou ai camu, si Amang iow an sorga ka'i méé oka ing kaampungan ai camu.