Matius 6:6 - En Taar Weru a nunuwu' é Tontemboan

⁶ Taan sa kamu sumombayang, muntepo ang kamar iow, palenano em papalen wo sumombayango mangé a si Amang iow si an tampa caenep. Wo in taniitu, si Amang iow si makaséré mai sé caenep, suli'an-Na oka sapa e niéma' miow itu.

Matius 6:6 Referans Kwoze

Matius 14:23

Kekawus é tou keli itu ru'du' i Yesus maréng, wo Sia sumosor angé a si esa tolaina en sumombayang Sia in esa. Matawi im bengi, Siake' in esa am bitu.

Kisah Para Rasul 9:40

Taan iru'du' i Petrus pakasa séra kumesot. Kumawus in itu sia kumundu wo sumombayang, wo sérénna e mayat wo icuana, “Tabita, tumooro!” Wo si Tabita muka' im beren. Keséréna si Petrus, sia tumoor wo lumukut.

Matius 6:18

wosama' ra'ica kailekan é tou sapaoka kamu ang karoro'an imapuasa, taan wayake' si Amang iow si an tampa ra'ica kaséréan e makailek. Wo si Amang iow si makaséré mai sé caenep, suliin-Na oka mai sapa e niéma' miow itu.”

Kisah Para Rasul 10:9

Asi woondona mai, wona' katoora i yéndo, em bawayaan é telu tou itu matawio in Yope. Asi oras itu, si Petrus sumosor angé an dangka' im balé en sumombayang.

Matius 6:4

Anaé, en aiwéé miow itu iwééo mangé i maene-enep, wo in taniitu si Amang iow si makaséré mai sé icaenep, suli'an-Na oka ai camu sapa si niéma' miow itu.”

Efesus 3:14

Ampa'paan in ituo, an tutuwku tuma'néi waya in itu, yaku kumundu wo sumombayang a si Amang Kasuruan Amangta,

Roma 8:5

Sé tou menonou makiit ing kasalé'an in owak in esa, séra mawerot in andumoro' ing kasalé'an in owak. Taan sé tou menonou makiit i Roh i Amang Kasuruan, séra mawerot in andumoro' ing kasalé'an i Roh i Amang Kasuruan.

Kisah Para Rasul 10:30

Wo isowat i Kornelius, “Asi epat ngando ilumangkoi, wona' asi jam tiga im bawaando tanu si oras anio', yaku masombayang am balé. Tumarépé'anke'mai awéan esa tou makatulung an diorku, eng karaina menéla-nélap.

Yohanes 1:48

Wuéien i Natanael a si Yesus, “Tambisa réén Ko wo makatuus yaku?” Isowat i Yesus ai sia, “Ra'ipé' tinowa i Filipus ko, tutuw ko an darem im panga-pangana in tuura in ara, sinéré-Kuo ko.”

Yohanes 20:17

Icua i Yesus ai sia, “Tioo timboienmu en owak-Ku, ampa'paan Aku ra'ipé' imangé a si Amang-Ku. Taan mangéo taré ko a sé poo-poow-Ku, wo icuao mangé ai séra sapaoka intarépé' Aku maangém a si Amang-Ku wo ka'i Amangmu, siituo si Amang Kasuruan-Ku wo ka'i Amang Kasuruanmu.”