Matius 6:1 - En Taar Weru a nunuwu' é Tontemboan

¹ “Ta'néieno mangé, tioo paémaan iow en atoran in agama an dior é tou wosama' sérén éra wo irayo éra kamu, ampa'paan sa kamu maéma' tanu siitu, ra'ica kéréan iow en laasa i Amang iow an sorga.

Matius 6:1 Referans Kwoze

Matius 23:5

Pakasa em pengaémaan éra asalo ipapaturu' éra a sé tou. Séra mengapaké in tali sombayang si aipetutu' éra winangkeran toyo' wo e rumbai in juba aipetutu' éra ka'i linambot.

Yohanes 12:43

Ampa'paan si lébé icasalé' éra, irayo é tou wotaré irayo i Amang Kasuruan.

Ibrani 6:10

Ampa'paan si Amang Kasuruan itu ra'ica marapit, ra'ica ilupa-Na sapa sé tinawoio miow torona Sia. Wo ra'ica ilupa-Na ka'i eng kaupusan ipaturu' miow ai Sia an tutuw iow matawang sé tou le'nas indior akar intarépé'.

Lukas 16:15

Wo icua i Yesus ai séra, “Kamu mapaturu-turu' kéndo' a sé tou walina sapaoka kamu mengaéma' im butul, taan en até léwo' miow kailekan i Amang Kasuruan. Ampa'paan sapa em paanggapen é tou awéan wééna, nianggap i Amang Kasuruan wutu-wutul ra'ica wana wééna.

Galatia 6:12

Sé tou Yahudi sé masalé' mengapaturu-turu' in owak andumoro' sé kaséréan, séra rumaméji lumesé' icamu in sunaten kumiit in ukum Torat. Émaan éra in tanu siitu wosama' ra'ica okoien. Ampa'paan séra okoien oka é kakélé tou Yahudi sa séra asalo masusui andumoro' im papaté i Kristus ang kayu salip taan ra'ica masusui andumoro' in atoran sunat.

Yohanes 5:44

Kamu maéré-éréke' i rarayo asé kakélé miow, wo ra'ica rumaméji mangéré i rarayo asi Amang Kasuruan si wayake' in esa. Sa taniitu, tambisa réén ro'na percayan iow Aku?

2 Yohanes 1:8

Téiran iow sumama-sama' em paémanen si aisusuio ami wosama' ra'ica icatala. Wo in taniitu ro'na kéréan iow waya en laasa miow.

Markus 8:15

Wo ita'néi i Yesus ai séra, “Matéi-téiro wo maténga-téngamo andumoro' i ragi é tou Farisi wo ragi i Herodes.”

Matius 6:16

“Sa kamu mengapuasa, tioo en amo miow susa tanu sé tou punek. En amo éra mapa in susa kéndoon, wosama' sérén é tou sapaoka séra ang karoro'an i mapuasa. En ulitna icua-Ku mangé ai camu, siituo en laasa si kinéréano éra.

Matius 16:6

Icua i Yesus ai séra, “Matéi-téiro wo maténga-téngamo andumoro' i ragi é tou Farisi wo Saduki.”

Lukas 12:15

Wo icua-Na a sé pakasa in tou sé imali'us am bitu, “Maté-téiro mangé wo mareti-retio kamu oréoka kamu mamuali tou longi'. Ampa'paan eng katouan é tou, ra'ica asalo mamangén ang kasiyaan, mandé ka'i eng kasiyaanna itu ilumébé-lébéo.”

Matius 5:48

Ampa'paan in itu, kamu musti lekep, kaputé i Amang iow si an sorga lekep.”

Matius 5:16

Tanu siituo ka'i wo icamu, en sendotmu musti tumélang an dior é tou wosama' sérén éra em pengaémaanmu loor wo marayo-rayo si Amangmu an sorga.”

Lukas 11:35

Ampa'paano in itu mareti-retio taré wosama' en sendot ang katouan iow itu ra'ica mariréimbeng.

Lukas 12:1

Asi témpo itu, mariwu-riwu tou mali'usai akar séra meréngké-réngké'an oka. Wo si Yesus tumo'tolo sumusui, eng kataré-taré a sé murit-Na, icua i Yesus, “Mareti-retio mangé kamu a sé tou Farisi. Séra itu punek, paturu' éra sapaoka séra makiit ing kasalé'an i Casuruan, taan en ulitna séra ra'ica maéma' ing kasalé'an-Na. Em pakatawér éra itu, kaputé i ragi aiwéé an adonan ing kukis wosama' eng kukis itu ruméis.

Matius 25:40

Wo isowat oka i Colano ai séra in tana'i, ‘En ulitna icua-Ku ai camu, pakasa sé niéma' miow a si esaan asé poow-Ku si pawawa-wawa', niéma'o miow en itu torona-Ku.’

Matius 5:46

Anaé, sa kamu asalo mengaupus sé tou mengaupus icamu, sapa réén en laasa miow? Ra'ica réén sé mengatagi im pajak mengaéma' ka'i in taniitu?

Matius 23:13

“Icawangkuro mio' kamu sé makailek wutul in Torat wo sé tou Farisi! Kamu anio' tou punek. Ampa'paan pengakalaan iowke' sé tou masalé' muntep ang Kakolanoan in Sorga. Icamu in esa ra'- ica kiim muntep ang Kakolanoan in Sorga, akar pengakalaan iow sé tou masalé' muntep ang Kakolanoan in Sorga. [

Matius 6:9

Ampa'paan in itu, sumombayango in tana'i, ‘Amang ami an sorga, e ngaran-Mu le'nas wo iparangka-rangka',

Ibrani 2:1

Ampa'paan si Yesus e rumangka' mai wo sé malaékat, anaé musti timboianta mauli-ulit en sususuien sé liningatao andumoro' Sia, oréoka kita katawéran kumiit in sususuien walina akar ra'io ka'i maéman ai Sia.

Ibrani 11:26

Si Musa kumélong en tumerima im pakasa ing kasiyaan a Mesir, wo en lébé icasalé'na iséro' ampa'paano im paémanenna a si Kristus si maai sa. Ampa'paan si Musa maarap in laasa iwéé oka i Amang Kasuruan ai sia.

Matius 16:27

Ampa'paan si Toyaang i Tou maai oka mewali-wali wo sé malaékat-Na ang kawasa wangko' i Amang-Na. An tutuw itu suliin-Na oka sé tou kiit im pinengaéma' éra.

Kisah Para Rasul 3:12

Keséré i Petrus sé tou keli itu wo icuana ai séra, “É tou Israel, kéitu réén kamu mangaya-ngaya'ka' andumoro' ing kamamualian itu? Wo kéitu réén kamu menéinte-néinteng in taniitu ai cami? Paweroten iow réén si tou anio' ro'na maya' ampa'paan ing kawasa ami in esa kuma'pa ampa'paan ing kale'tekkan ami a si Amang Kasuruan?