Matius 5:5 - En Taar Weru a nunuwu' é Tontemboan

⁵ Pakakamangen sé tou ko'kos en até, ampa'paan séra makaanu oka ing kayo'baan.

Matius 5:5 Referans Kwoze

Yakobus 3:13

Sa an esaan ai camu awéan kapinteran asi Amang Kasuruan owo wo keli eng kakailekan, musti ituru'na ang karapi i menonou in loor. Sia musti méma' in loor ang karapi ing kako'kosan in até si mai ang kapinteran i Casuruan owo.

Galatia 5:23

ko'kos en até, kumawasa in owak. Ra'ica wana ukum e ro'na sumundur sé tou mengaéma' pakasa in itu.

Yakobus 1:21

Anaé, itiya'o waya sé ra'ica wutul wo ka'i mentoo mengéma-ngéma' ing kaléwo'an' sé taloso keli itu. Terimano mangé en Taar i Casuruan ang karapi ing ko'kos en até. En Taar si ayusew an até miow awéan kawasa en lumowir icamu.

Kolose 3:12

Ampa'paano in itu, kamu sé sinisiro i Amang Kasuruan wo sé line'nas-Nao wo ka'i sé icaupus-Na, ituru'o mangé eng kaupusan iow, mengaéma' mangé in loor, mengako'kos angé in até, tioo mengakasar a sé tou wo malese-lesen mengasaru ing kawenduan asi esa wo sé walina.

Matius 11:29

Wuléngeno em pamuléngen si aiwuléng-Ku am palukamu wo mekisusuio mai a Yaku, ampa'paan Aku sama' wo ko'kos en até. Wo in taniitu kamu mendam oka ing kaeluran.

Efesus 4:2

Anaé, menonouo mangé ang karapi ing ko'kos en até, sama' en até a sé pakasa é tou wo talesen. Ituru'o mio' en upus iow ang karapi i mentan-tawangan si esa wo sé walina.

1 Petrus 3:15

Taan irayoo wo siriino mangé si Kristus an até miow wo émaano Sia merénta ai camu. Wo kamu musti tu'tul en sumowat kawisake' mangé sa awéan tou mamuéi andumoro' sapa si paara-arapen iow asi Apo' Yesus. Wo sowateno mangé séra ang karapi ing ko'kos en até wo ang karapi in siri'.

Titus 3:2

Musti ita'néimu mangé ai séra, ra'ica toro mengawuruk i ngaran é tou walina wo ra'ica toro meindo-indoan roma'. Aweso taré em peri éra musti loor wo ka'i ko'kos en até a sé im pakasa in tou.

1 Petrus 3:4

Taan sa kamu masalé' uli-ulit kaséréan pasung, eng kapasungan iow itu musti kumesot an untep in até owo, tanumai: makaperi ko'kos en até wo elur. Siituo eng kapasungan akar ing kauré-uré wo sosor em bééna an dior i Amang Kasuruan.

1 Timotius 6:11

Taan ko é Timotius, ico tou i Amang Kasuruan, tumayango mangé ko asé pakasa ing kaléwo-léwo'an. Rumaméjio mangé ko kumiit sé anio': tioo mengarapit, mengaapo' mangé makiit ing kasalé'an-Na, le'tek maéman a si Yesus, mengaupus sé kakélé tou, talesen mengasaru ing kasusaan wo ko'kos en até.

2 Timotius 2:25

Sia musti masusui ang karapi ing ko'kos en até a sé tou sé mengasundur in sususuien wutul. Sia musti mengaéma' in taniitu ampa'paan sa si Casuruan méé mai témpo ai séra, séra ro'na mape'dis akar séra ro'na makailek in sususuien wutul itu.

Roma 4:13

Si Amang Kasuruan jumanjio a si Abraham wo a sé tara-taranakna, sapaoka iwéé-Na oka eng kayo'baan anio' mamuali anu éra. Si Amang Kasuruan jumanji tanu siitu ra'ica ampa'paan si Abraham le'tek mengaéma' in ukum Torat, taan ampa'paan sia maéman a si Amang Kasuruan akar sia nianggap-Na wutul.

Matius 21:5

“Icuao mangé a sé tou an Yerusalem, ‘Sérén, si Colano miow maayo ai camu. Sia ko'kos en até, makalukut am bawo i esa keledai, si esa keledai wo'basé'.’ ”