Matius 4:19 - En Taar Weru a nunuwu' é Tontemboan

¹⁹ Icua i Yesus ai séra, “Mayo, kumiito mai Yaku! Émaan-Ku oka kamu mengaéré tou eng kumiit Yaku.”

Matius 4:19 Referans Kwoze

Yohanes 12:26

Si séike' en sumelewir Yaku musti kumiit Yaku. Wo am bisake' en angéan-Ku, am bitu ka'i awéan si maselewir Yaku. Si séi e maselewir Yaku sia siriin oka i Amang-Ku.”

Matius 16:24

Wo icua i Yesus a sé murit-Na, “Si séike' e masalé' kumiit Yaku, sia musti sumangkal in owakna, muléng in salipna wo kumiit Yaku.

Lukas 9:59

Wo icua i Yesus a si esa tou walina, “Kumiito mai Yaku!” Taan isowat i tou itu, “Guru, wéanai kaloasan aku maréng am balé eng kumubur si amangku.”

Yohanes 21:22

Isowat i Yesus ai sia, “Sa icasalé'-Ku sia menonouke' melala'us akar Aku maai sumawel, en itu ra'ica urusanmu. Taan ko kumiito mai Yaku.”

Yohanes 1:43

Asi woondona mai si Yesus musé' e maangé an sangkum ing Galilea. Taan Sia mangé meta'up owo wo si Filipus, icua-Na ai sia, “Mayo kumiito mai Yaku.”

Lukas 5:27

Kekawus in itu si Yesus kumesot wo sérén-Na si esa tou matagi im pajak, makangaran Lewi, makalukut an tampa é tou mawér im pajak. Wo icua i Yesus ai sia, “Kumiito mai Yaku!”

Markus 2:14

An tutuw Sia lumangkoi am bitu sérén-Na si Lewi, toyaang i Alfius makalukut an tampa é tou mawér im pajak. Wo icua i Yesus ai sia, “Kumiito mai Yaku.” Kelinga in itu, si Lewi tumulung wo kumiit si Yesus.

Matius 19:21

Icua i Yesus ai sia, “Sa ko masalé' mamuali tou makakii-kiit am beren i Amang Kasuruan, mangé iwangkéro waya eng kasiyaanmu, wo iwééo mio' en itu a sé tou lengéi, wo in taniitu kéréanmu oka eng kasiyaan an sorga. Kumawus in itu mayoo wo kumiito mai Yaku.”

Matius 9:9

Kekawus in itu si Yesus tumela'u in tampa itu, sérén-Na si esa tou makangaran Matius makalukut an tampa é tou mawér im pajak, wo icua i Yesus ai sia, “Kumiito mai Yaku.” Si Matius ka'i tumulung wo kumiit si Yesus.

Matius 8:22

Taan icua i Yesus ai sia, “Kumiito mai Yaku wo iwayao mio' si tou imaté eng kumubur si tou imaté.”

2 Korintus 12:16

Kailekan iow sapaoka aku ra'ica kawisa sumusa icamu an tutuwku mewali-wali wo icamu. Taan awéan tou an uner iow makua sapaoka aku pinter mengasali'si' i nunuwu' wo mengauwak e mindo ing kauntungan ai camu.

Matius 4:18

An tutuw i Yesus imawaya' an tembir in lour Galilea, sérén-Na sé rua metuari, séra ituo si Simon si patuulen Petrus wo si Andreas tuarina. Séra ang karoro'an malombo' in lolombo' an lour, ampa'paan en tawoien éra mengaéré sera'.

Matius 4:20

Kelinga in itu, makala'us itela'u éra en lolombo' wo kumiit si Yesus.