Matius 4:14 - En Taar Weru a nunuwu' é Tontemboan

¹⁴ En itu mamuali, wosama' malekep en taar si aicua i nabi Yesaya,

Matius 4:14 Referans Kwoze

Matius 2:23

Icateka' mangé séra ang Galilea, séra mento' ang kota makangaran Nazaret. Wo in taniitu, en taar sé aicua é nabi andumoro' i Toyaang itu imamualio: Sia tuulen oka “Tou Nazaret.”

Lukas 24:44

Makakanai Sia wo icua-Na ai séra, “An tutuw-Ku i mewali-walipé' wo icamu, sumangkumo icua-Ku ai camu, sapaoka pakasa en aipatic andumoro' Yaku ang Kitap Torat, ang kitap é nabi wo ang kitap Mazmur, musti mamuali.”

Lukas 22:37

Icua-Ku in taniitu ai camu, ampa'paan aipatico ang Kitap Le'nas andumoro' Yaku, en itu musti mamuali a Yaku. Tana'i e nats aipatic ang Kitap Le'nas, ‘Sia icauntep oka a sé tou léwo'.’ Anaé, sapa en aipatic andumoro' Yaku, asi oras anio' tumo'tolo mamuali.”

Matius 2:15

Wo séra mento' a mangé mbitu akar i colano Herodes maté. Pakasa en itu mamuali wosama' malekep sapa si aicua i Amang Kasuruan a si nabi, “Towan-Ku si Toyaang-Ku a Mesir owo.”

Yohanes 19:28

Kailekan i Yesus niéma'-Nao em baya-waya si musti émaan-Na, ampa'paan in itu icua-Na “Maré'omo Aku!” Wo in taniitu sapa sé aipatic ang Kitap Le'nas imamualio.

Yohanes 15:25

Taan en itu mamuali wosama' en taar si aipatic ang kitap Torat musti lekepen, en aipatic tana'i: ‘Séra ra'ica wana alasan e masuut Yaku.’

Matius 26:56

Taan pakasa en anio' musti mamuali, wosama' en aipatic é nabi ang Kitap Le'nas musti lekepen.” Wo pakasa sé murit-Na tumela'u Sia wo tumincas.

Matius 26:54

Taan sa émaan-Ku en itu, tumambisa sé aipatic ang Kitap Le'nas itu lekepen? Aicua ang Kitap Le'nas sapaoka en anio' musti mamuali.”

Matius 8:17

En itu imamuali wosama' malekep en taar si aicua i nabi Yesaya, “Siao e muléng ing kalembianta wo tumanggong in sakitta.”

Matius 1:22

Pakasa en itu mamuali wosama' malekep sapa en aicua i Amang Kasuruan a si nabi-Na indior:

Matius 4:13

Wo itela'u-Na e Nazaret wo mento' ang Kapernaum, an tembir in lour Galilea an sangkum in Zebulon wo Naftali.

Matius 4:15

“En tana' Zebulon wo en tana' Naftali, an tembir in lour Galilea, an lewet in doyongan Yordan, en tampa itu paento'an é bangsa ra'ica Yahudi.