Matius 4:13 - En Taar Weru a nunuwu' é Tontemboan

¹³ Wo itela'u-Na e Nazaret wo mento' ang Kapernaum, an tembir in lour Galilea an sangkum in Zebulon wo Naftali.

Matius 4:13 Referans Kwoze

Yohanes 4:46

Wo si Yesus mai sumawel ang kota Kana ang Galilea. Am bitu Sia sumangkumo méma' in dano mamuali anggor. Eng Kana mentawian wo eng kota Kapernaum. Asi témpo itu ang Kapernaum awéan esa toyaang tuama sumakit, toyaang i matawoi an istana.

Markus 1:21

Si Yesus wo sé tou makiit Sia icateka' mangé ang Kapernaum. Asi endo Sabat, si Yesus muntep am balé paapo'an é agama Yahudi wo Sia sumusui am bitu.

Matius 11:23

Wo kamu sé tou ang Kapernaum, weroten iow réén sapaoka kamu angkaien oka akar an sorga? Ra'ica! Taan taré, itiya'-Na oka kamu a naraka! Sa eng kakaya'kaan si imamualio an uner iow itu niéma'-Ku an Sodom, tantu eng kota itu awéané' akar intarépé'.

Yohanes 6:59

Pakasa en anio' aicua i Yesus ang Kapernaum an tutuw-Na masusui am balé paapo'an é agama Yahudi.

Yohanes 6:24

Anaé, ampa'paan sinéréo é tou keli si Yesus wo sé murit-Na ra'ica am bitu, sé tou keli itu sumaké an londé-londéi sé mai ang kota Tiberias owo wo mangé ang Kapernaum e mangéré si Yesus.

Yohanes 6:17

Asi témpo itu wengio wo si Yesus ra'ipé' ka'i mai meta'up wo iséra. Wo séra sumaké an londéi, lumewet in lour maangé ang Kapernaum.

Yohanes 2:12

Kumawus in itu si Yesus mangé ang Kapernaum mewali-wali wo si inang-Na, tua-tuari-Na tuama wo sé murit-Na. Séra mento' am bitu wayake' im pira ngando.

Matius 17:24

An tutuw i Yesus wo sé murit-Na icateka'o ang Kapernaum, wo mai sé matagi im pajak im Balé Le'nas mamuéi a si Petrus, “Si Gurumu mengawér im pajak im Balé Le'nas rua dirham kuma'pa ra'ica?”

Lukas 4:23

Wo icua i Yesus ai séra, “Tantu icua oka miow a Yaku si andéan anio', ‘Éi dokter, samaano mio' en owak-Mu in esa.’ Icua miow in taniitu ampa'paan liningao miow sapaoka Aku iméma'o ing kakaya'kaan ang kota Kapernaum wo en itu musti émaan-Ku ka'i an doong-Ku in esa.”

Matius 4:14

En itu mamuali, wosama' malekep en taar si aicua i nabi Yesaya,

Matius 4:15

“En tana' Zebulon wo en tana' Naftali, an tembir in lour Galilea, an lewet in doyongan Yordan, en tampa itu paento'an é bangsa ra'ica Yahudi.

Matius 9:1

Kekawus in itu, si Yesus wo sé murit-Na sumaké an londéi en lumewet maangé an lewet in lour. Wo icateka'o Sia an doong-Na in esa.

Markus 2:1

An tutuw lumangkoio piraan ngando, si Yesus maréng sumawel ang Kapernaum. Wo icaseraro en abar sapaoka Sia am balé.

Lukas 10:15

Wo kamu sé tou ang kota Kapernaum, weroten iow réén sapaoka angkaien i Amang Kasuruan kamu akar an sorga? Ra'ica. Taan taré, itiya'-Na oka kamu an tampa é tou imaté.”