Matius 4:11 - En Taar Weru a nunuwu' é Tontemboan

¹¹ Kekawus in itu, si Yesus itela'u i kikiiten é sétang. Wo sé malaékat mai en sumelewir Sia.

Matius 4:11 Referans Kwoze

Matius 26:53

Kuma'pa werotenmu réén Aku ra'ica makawoo mekiupus a si Amang-Ku wosama' iru'du'-Na sé malaékat-Na ilumébémai asé sangapulu' rua ngareru' suraro é malaékat e mai tumawang Yaku?

Ibrani 1:14

Sa taniitu, si séi réén sé malaékat itu? Séra sé roh mengaéma' sapa sé airu'du' i Amang Kasuruan, sé ayutus-Na en tumawang sé tou sé makéré oka ing kalowiran.

Lukas 22:43

Wo awéan esa malaékat an sorga, mai mapaturu' in owakna a si Yesus e méé ing kaketeran ai Sia.

Lukas 4:13

Kekawus i kikiiten é sétang mangepé' a si Yesus ang karapi ing keli pangepé'an wo si Yesus itela'una wo mento' oka in témpo loor, e mangepé' sumawel ai Sia.

Ibrani 1:6

Taan, an tutuw si Amang Kasuruan imutusai si Toyaang-Na luluna mai ang kayo'baan anio', icua-Na in tana'i, “Pakasa sé malaékat i Amang Kasuruan musti kumuru en sumiri' Sia.”

Yohanes 14:30

Intarépé' Aku ra'io kumeli roma' ai icamu, ampa'paan si kikiiten é sétang si kumawasa ing kayo'baan anio' ang karoro'ano i maai. Taan sia ra'ica wana kawasa sapake' mangé a Yaku.

Lukas 22:53

Susur in endo Aku ang karapi miow am Balé Le'nas wo ra'ica tangkaan iow Aku. Taan asi endo anioo en oras iow tumangka' Yaku wo asi oras anioo si makakawasa ing kariréimbengan mai kumawasa.”

Markus 1:13

Eng kauré-Na an tana' kapayasan epat ngapulu' ngando wo pinangepé'an i kikiiten é sétang. Wo Sia mento' mewali-wali wo sé binatang sé ra'ica papiaran wo ka'i paselewiran é malaékat.

Matius 4:6

Wo icuana a si Yesus, “Sa Ko Toyaang i Amang Kasuruan, ilepoko mio' en owak-Mu! Ampa'paan ang Kitap Le'nas aipatic andumoro' Ico in tana'i, ‘Iru'du' oka i Amang Kasuruan sé malaékat-Na en sumépa Ico maké ing kama éra, wosama' eng kécéi-Mu ra'ica tumena am batu.’ ”

1 Timotius 3:16

Indior en sususuien wutul itu ra'ica kailekan é tou, taan intarépé' sé icaenep andumoro' in sususuien wutul sé ra'io cakua itu, winuka'o i Amang Kasuruan. Sé icaenep itu tana'i: “Si Yesus imayo wo mamualio tou, wo aituru' i Roh Le'nas sapaoka Sia itu wutul. Sia mapaturu'o in owak-Na a sé malaékat, wo en sisisilen andumoro' Sia itu icaseraro a sé bangsa. Wo Sia émanen é pakasa ing kayo'baan, wo Sia niangkaio mangé an sorga ang karapi i rarayo wo in sisiri'.”