Matius 3:8 - En Taar Weru a nunuwu' é Tontemboan

⁸ Aweso taré kamu mengaéma'o mangé pakasa sé loor, tanu tuus kamu imape'diso ang kamesé-meséaan.

Matius 3:8 Referans Kwoze

Lukas 3:8

Wo tioo kamu mawerot ampa'paan kamu taranak i Abraham akar kamu malowir sa, icuaku ai camu, sé watu anio' ro'na émaan i Amang Kasuruan mamuali taranak i Abraham. Aweso taré kamu mengaéma'o mangé pakasa sé loor tanu tuus kamu imape'diso ang kamesé-meséaan!

Kisah Para Rasul 26:20

Wo icuaku waya en itu kataré-taré a sé tou Yahudi an Damsyik, an Yerusalem wo am pakasa in tampa an tana' Yudea wo ka'i a sé tou ra'ica Yahudi. Icuaku ai séra, sapaoka musti mape'dis ang kamesé-meséaan wo maémano mangé a si Amang Kasuruan wo menonou makiit ing kasalé'an-Na tanu tuus sa séra imape'diso.

Filipi 1:11

Isombayangku ka'i wosama' pengéma-ngémaan iow sé nianggap wutul i Amang Kasuruan ampa'paan si Yesus Kristus imatawoi ang katouan iow. Wo in taniitu si Amang Kasuruan oka si parayo wo pasiriin.

Efesus 5:9

ampa'paan sa kamu menonou an sendot em pengaémaan iow asalo andumoro' sé loor, sé ra'ica marapit wo sé wutul.

Matius 21:32

Ampa'paan an tutuw i Yohanes Mabaptis mai sumusui ai camu tambisa menonou wosama' nianggap wutul i Amang Kasuruan, taan ra'ica pinercaya miow en aicuana. Taan sé matagi im pajak wo sé wéwéné sundal mercaya ai sia. Wo mandé ka'i sinéréo miow sapaoka séra itu mercaya, taan em bewerot iow ra'ica mawalina, kasake' tuu ra'ica pinercaya miow en aicuana.”

Efesus 5:8

Indior kamu toya-toyaang ing kariréimbengan, taan intarépé' kamu imamualio tou i Casuruan, anaé icamuo sé toyaang in sendot. Ampa'paan in itu menonouo mangé tanu toya-toyaang in sendot,